1-കിം ഗംഗാംബുനി ബിംബിതേfമ്പരമണൌ ചണ്ഡാളവീഥീപയഃ
പൂരേ വാന്തര മസ്തി കാഞ്ചന ഘടീ മൃത്കുംഭയോര്വാംബരേ!
പ്രത്യഗ്വസ്തുനീ നിസ്തരംഗസഹജാനന്ദാവബോധാംബുധൌ
വിപ്രോ fയം ശ്വ പ ചോf യമിത്യപി മഹാന് കോ f യം വിഭേദഭ്രമഃ
അര്ത്ഥം --ഗംഗാ ജലത്തില് ബിംബിച്ചിരിക്കുന്നസൂര്യനില് ചണ്ഡാള വീഥിയിലെ വെള്ളത്തില് ബിംബിച്ചിരിക്കുന്ന സൂര്യനില് എന്താണ് വ്യത്യാസം ഉള്ളത്?സ്വര്ണ്ണ കലശത്തിലും മണ് കുടത്തിലും ഉള്ള ആകാശത്തില് എന്ത് വ്യത്യാസം ആണ് ഉള്ളത്?സഹജ മായ ആനന്ദ സമുദ്രം ആയ തരംഗങ്ങള് ഒന്നും ഇല്ലാത്ത ആത്മാവില് ഇവന് വിപ്രന് ഇവന് ചണ്ഡാളന് എന്നിങ്ങനെയുള്ള വിഭേദ ഭ്രമം എന്താണ്?*****.
വ്യാഖ്യാനം
ജഗദ് ഗുരു ശങ്കരാചാര്യരാല് എഴുതപ്പെട്ടതാണ് വലുപ്പത്തില് ചെറുതെങ്കിലും ആശയത്തില് ബൃഹത്തായ മനീഷാ പഞ്ചകം-സങ്കല്പ്പ വികല്പ്പാത്മകമായ മനസ്സിനും ഉപരിയായി ഉള്ള നിശ്ചയ ബുദ്ധി ഉണ്ടോ അതിനെ ആണ് മനീഷ എന്നാ ശബ്ദം കൊണ്ട് ഉദ്ദേശിക്കുന്നത് ----അതായത് ആത്മബുധി ദൃഡ ബുദ്ധി ദൃഡ നുശ്ചയ ബുദ്ധി എന്നൊക്കെ അര്ത്ഥം പറയാം --മനീഷാ പഞ്ചക ത്തിലെ ഈ ശ്ലോകം രചിച്ച ശങ്കരാചാര്യരെ കുറിച്ചാണ് ഒരു കെട്ടുകഥ ഉള്ളത് എന്നോര്ക്കണം --ഒരിക്കല് കാശിയില് ഗംഗാ തീരത്ത് കൂടി ആചാര്യര് ശിഷ്യരോടോത്ത് നടക്കുമ്പോള് ഒരു ചണ്ഡാളന് മുന്നില് വന്നു പെട്ടു ആചാര്യര് തന്റെ വഴിയില് നിന്ന് മാറിപ്പോകാന് ആ ചണ്ഡാള നോട് പറഞ്ഞുവത്രേ =-അപ്പോള് അന്നമയമായ ശരീരത്തില് നിന്ന് അന്നമയമായ ശരീരം മാറി നില്ക്കണോ അതോ ചൈതന്യത്തില് നിന്നും ചൈതന്യം മാറി നില്ക്കണോ ? എന്ന് തിരിച്ചു ചോദിച്ചുവത്ര -ആചാര്യരുടെ ഭേദ ദൃഷ്ടിയെ പരിഹസിച്ചു ചണ്ഡാളന് അപ്രത്യക്ഷനായി പോയത്രേ ആ ചണ്ഡാളന് ശിവനായിരുന്നു എന്നും പറയുന്നു --ഭാരതീയനായ ദിവ്യനായ ഒരാചാര്യനെ അപമാനിക്കാനായി ആരോ കരുതിക്കൂട്ടി എഴുതിയുണ്ടാക്കിയ കേട്ട് കഥയാണ് ഇത് കാരണം മേല്പ്പറഞ്ഞ ശ്ലോകം എഴുതി ക്സിഞ്ഞതിനു ശേഷം ആണ് ഈ കഥ നടന്നു എന്ന് പറയപ്പെടുന്നത് --ഗംഗയിലെ ജലത്തില് പ്രതിബിംബിക്കുന്ന സൂര്യനും ചണ്ഡാള തെരുവിലെ ജലാശയത്തില് പ്രതിബിംബിക്കുന്ന സൂര്യനും തമ്മില് എന്താണ് വ്യത്യാസം? എന്നദ്ദേഹം ചോദിക്കുന്നു -നാശ രഹിതമായ തരംഗം ഒന്നും ഇല്ലാത്ത ആത്മാവിനെ ഇവന് ബ്രാഹ്മണന് ഇവന് ചണ്ഡാളന് എന്നിങ്ങനെ പറയുന്നതിന്റെ ന്യായമെന്തു എന്നദ്ദേഹം ചോദിക്കുന്നു -- അപ്പോള് വെറും ഒരു കെട്ടുകഥ മാത്രമാണ് പരമശിവന്റെ ചണ്ഡാള വേഷവും ഈ കഥയും മാത്രമല്ല പരമശിവന്റെ കലിയുഗത്തിലെ അവതാരം ആയിട്ടാണ് ആചാര്യര് വിലയിരുത്തപ്പെടുന്നത് തന്നെ
