എന്താണ് വേദാന്തം?

     വേദം എന്നാൽ ജ്ഞാനം അന്തം എന്നാൽ അവസാനം അപ്പോൾ വേദാന്തം - അറിവിന്റെ അവസാനം
എന്താണ് അറിവിന്റെ അവസാനം സംഭവിക്കുന്നത്?
ഏകം സത് എന്ന ബോധം അതായത് ഒന്നേ ഉള്ളൂ മറ്റൊന്ന് ഇല്ല എന്ന ബോധം മനസ്സിലുറക്കുന്നു. പക്ഷെ ഈ ബോധത്തിലെത്താൻ ഒരു വൻ നിരവധി വഴികളിലൂടെ സഞ്ചരിച്ചെന്നിരിക്കും സുഗമമായ വഴികളും ദുർഘടമായ വഴികളും താണ്ടി വേണം ഈ ഏകം എന്ന അവസ്ഥയിൽ എത്താൻ അതിന് ഉദാഹരണമാണ് ശബരിമല ദർശനം
       പ്രതമെടുത്ത് ശരണം വിളിച്ച് ദുർഘടം പിടിച്ച വഴികൾ താണ്ടി അവിടെ എത്തുമ്പോൾ നമ്മൾ ആദ്യം കാണുന്നത് മുകളിൽ കൊത്തിവെച്ച മഹാവാക്യമാണ്   "തത്ത്വമസി"  iഅത് നീ തന്നെ! അപ്പോൾ നമുക്ക് തോന്നും ഇത് അറിയാനാണോ ഇത്രയും കഷ്ടപ്പെട്ടത്? എന്ന് എന്നാൽ ഇത്രയും കഷ്ടപ്പെ ട്ടത് കൊണ്ടാണ് ഞാൻ തന്നെയാണ് ധർമ്മ 'ശാസ്താവ് എന്ന് അറിയാൻ കഴിഞ്ഞത് അത് പോലെ നിരവധി തരത്തിലുള്ള പഠനം നിമിത്തമേ ഏകം എന്ന അവസ്ഥ ബോധ്യപ്പെടു
      ആയതിനാൽ ആചാര അനുഷ്ഠാനങ്ങൾ അന്ധവിശ്വാസം ആണ് എന്ന് വിലയിരുത്തുന്നതിന് മുമ്പ് ഒന്ന് മനനം ചെയ്യണം - അന്ധവിശ്വാസം ആണെങ്കിൽ അത് സ്വയം ബോധ്യപ്പെട്ട് അടുത്ത പടിയിൽ എത്തണം ഓരോന്നും സ്വയം ബോധ്യപ്പെടാതെ ജ്ഞാനം സിദ്ധിക്കുകയില്ല - - - ചിന്തിക്കുക

നല്ലത് പറഞ്ഞാൽ കോടതി കയറണോ?

      ഹരിജനം എന്ന് വിളിച്ചാൽ കോടതി കയറേണ്ടി വരുമത്രേ!
അത്ഭുതം തോന്നുന്നു ഈ നിയമം ഉണ്ടാക്കിയവൻ ഇത്ര വിവരദോഷി യോ?
ഹരി - മഹാവിഷ്ണു  2 സിംഹം 3 കുതിര
    ഈ 3 അർത്ഥത്തിലും ഇതിനെ ഒന്ന് വ്യാഖ്യാനിച്ച് നോക്കാം
ഹരി - 1 - മഹാവിഷ്ണു  ഹരിജനം - മഹാ വിഷ്ണുവിന്റെ ജനം മഹാവിഷ്ണുവിന് ഏറ്റവും പ്രിയപ്പെട്ട ജനങ്ങൾ    ഇതിൽ കോടതി കയറാൻ മാത്രം മോശമാണോ ഈ വാക്ക്?
2. സിംഹം - ഏറ്റവും വലിയ ത് ധർമ്മത്തിന്റെ പ്രതീകം രാജാവിന്റെ ഇരിപ്പിടത്തിന് സിംഹാസനം എന്ന് പറയുന്നു വലിയ സ്ഥാനമുള്ള ഇരിപ്പിടം എന്നർത്ഥം     അശോകസ്തംഭത്തിൽ  സിംഹ ശിരസ്സുണ്ട് നമ്മുടെ കറൻസിയിലും ഉണ്ട് അപ്പോൾ ഉന്നതമായ സ്ഥാനത്തെ പ്രതിനിധീകരിക്കുന്നു അപ്പോൾ ഹരി (സിംഹം ) ജനം - വലിയ സ്ഥാനത്തുള്ള ജനങ്ങൾ - ഇതിൽ കോടതി കയറാൻ എന്തിരിക്കുന്നു?

3. - കുതിര -ശാസ്താവിന്റെ വാഹനം  - അതായത് ശാസ്താവ് ഇരിക്കുന്നിടം അപ്പോൾ ഹരിജനം - ശാസ്താവിന്റെ ഇരിപ്പിടമായ ജനം അതായത് അവരിൽ ആണ് ശാസ്താവ് ഇ രിക്കുന്നത് എന്നർത്ഥം അപ്പോൾ ശാസ്താവ് ഇരിക്കുന്നുവെ ന്ങ്കിൽ അയാൾ ഭക്തനല്ലേ? അപ്പോൾ ഈ അർത്ഥത്തിൽ എടുത്താലും കോടതി എന്തിന് കയറണം
       ശരിയായ അർത്ഥം വിഷ്ണുവിന് പ്രിയപ്പെട്ട ജനം എന്നാണ്
കഷ്ടം വിവരദോഷം എത്രത്തോളമെത്തി എന്ന് ചിന്തിക്കുക

വിവേക ചൂഡാമണി --- ശ്ലോകം - 8

അതോ വിമുക്ത്യൈ പ്രയതേത  വിദ്വാൻ
സംന്യ സ്തബാഹ്യാർത്ഥ സുഖസ് പൃഹ: സൻ
സന്തം > മഹാന്തം സമുപേത്യ ദേശികം
തേനോ പദിഷ്ടാർത്ഥ സമാഹിതാത്മാ
അർത്ഥം
അതിനാൽ വിവേകമുള്ളവൻ ബാഹ്യ വിഷയങ്ങളിലെ സുഖങ്ങളിലുള്ള ആഗ്രഹങ്ങൾ വെടിഞ്ഞ് മോക്ഷത്തിനായിട്ട് പ്രയത്നിക്കേണ്ടതാകുന്നു അതിനായി ബ്രഹ്മജ്ഞനും ലോകഹിതത്തെ ഇഛിക്കുന്നവനുമായ ആചാര്യനെ യഥാവിധി സമീപിച്ച് അദ്ദേഹം ഉപദേശിക്കുന്ന ബ്രഹ്മ പ്രാപ്തി രൂപമായ കാര്യത്തിൽ മനസ്സ് ഉറപ്പിക്കണം
ശ്ലോകം ---9
ഉദ്ധ രേദാത്മനാത്മാനം മഗ്നം സംസാര വാരിധ3
യോഗാ രൂഡത്വ മാമ്പാദ്യ സമ്യഗ് ദർശന നിഷ്ഠയാ
അർത്ഥം
ജനന മരണ രൂപമായ സംസാരത്തിൽ മുങ്ങിക്കിടക്കുന്ന ആത്മാവിനെ യോഗാ രൂഡാവസ്ഥയിൽ വർത്തിച്ചു കൊണ്ടു് സദ്യ ഗ് ദർശനത്തിനുള്ള നിഷ്ഠയാൻ ഉദ്ധരിക്കണം
ശ്ലോകം --- 10
സന്ന്യസ്യ സർവ്വ കർമ്മാണി ഭവ ബന്ധ വിമുക്ത യേ
യ ത്യതാം പണ്ഡി തൈർ ധീ രൈ രാത്മാഭ്യാസ ഉപസ്ഥി തൈ:
അർത്ഥം
ആത്മജ്ഞാന വിഷയകമായ പരോക്ഷ ജ്ഞാനമുള്ളവരും വശീകൃത ബുദ്ധികളും നിരന്തരം ശ്രവണ മനനാ ദി ആത്മ ചിന്തയിൽ വർത്തിക്കുന്നവരുമായവർ സർവ്വ കർമ്മങ്ങളും പരിത്യജിച്ച് സംസാര ബന്ധ നിവൃത്തി രൂപമായ സമ്യക് ദർശന നിഷ്ഠക്കായ്ക്കൊണ്ടു് പ്രയത്നിക്കേണ്ടതാകുന്നു
വിശദീകരണം
സർവ്വ കർമ്മങ്ങളും പരിത്യജിക്കുക എന്നാൽ എല്ലാ ധർമ്മവും ഈശ്വരാർപ്പിതമായി ചെയ്യുക ഉദാഹരണത്തിന് ഞാൻ എന്റെ അമ്മ'യോട് ചെയ്യുന്ന കർമ്മങ്ങൾ പുത്രധർമ്മം ആണ് എന്നാൽ ഞാൻ ചെയ്യുന്നത് അമ്മയോടല്ല ഈശ്വരനോട് ആണ് എന്ന് കരുതി ചെയ്യുമ്പോൾ ഇവിടെ അമ്മയും മകനും ഇല്ല ഈശ്വരനും ഭക്തനും മാത്രമേയുള്ളു അപ്പോൾ പുത്രധർമ്മം ഒവായിപ്പോയി അമ്മയോട് ചെയ്യുമ്പോഴേ പുത്രധർമ്മം ആകുന്നുള്ളു ഈശ്വരനോട് ആണ് ചെയ്യുന്നത് എന്ന് വിചാരിച്ചു ചെയ്താൽ എവിടെ പുത്രധർമ്മം? അതാണ് ഇവിടെ ഉദ്ദേശിക്കുന്നത്
        പിന്നെ സമ്യക് ദർശനം - 'സുഖം വന്നാലും ദുഖം വന്നാലും യാതൊരു വികാരവും പ്രകടിപ്പിക്കാത്ത അവസ്ഥ മനസ്സിനെ സമനിലയിൽ നിർത്തുന്ന അവസ്ഥ ആ അവസ്ഥ നേടണം എന്നാണ് ഇവിടെ പറയുന്നത് 

നാലാം ഭാഗം ആരാണ് ശ്രീകൃഷ്ണൻ?

    ഗോ ലോകനാഥനായ ശ്രീകൃഷ്ണൻ തുടർന്നു ബ്രഹ്മ ദേവാ! കഴിഞ്ഞകല്പങ്ങളിൽ ഇന്ദ്രൻമാരായിരുന്നവർ ഈ ദ്വാപരയുഗത്തിൽ പഞ്ചപാണ്ഡവർ ആയി പിറക്കട്ടെ! യമധർമ്മരാജൻ വായുദേവൻ ഇപ്പോഴത്തെ ഇന്ദ്രൻ അശ്വനീ ദേവകൾ എന്നിവരുടെ ശക്തിവിശേഷത്താൽ ആയിരിക്കണം അവർ ജനിക്കേണ്ടത് അതിനായുള്ള മാർഗ്ഗം അല്ലയോ മഹേശാ അങ്ങയുടെ അവതാരമായ ദുർവാസാവ് മഹർഷി ആയിരിക്കണം ഉണ്ടാക്കേണ്ടത് ഞാൻ ഈ രൂപത്താൽ ഭൂമിയിൽ വന്ന് പിറക്കുമ്പോൾ എന്റെ പിതാവായ വസുദേവ രു ടെ സഹോദരിയായ  പൃഥാ ദേവിക്ക് സൽ സന്താന കാരകമായ മന്ത്രം ഉപദേശിക്കേണ്ടത് ദുർവാസാവ് മഹർഷിയാണ് 

      Iഅല്ലയോ ബ്രഹ്മ മഹേശ്വര പാർവ്വതിമാരേ! ബ്രഹ്മാവിൽ നിന്ന് സാത്വിക ഭാവങ്ങളേ ഉണ്ടാകു പൗത്രനായ കശ്യപ നിൽ നിന്നാണ് വിവിധ ഭാവങ്ങൾ ജനിക്കേണ്ടത് എന്നാൽ ധർമ്മ സംരക്ഷണാർത്ഥം അവതരിക്കുന്ന എനിക്ക് പ്രത്യക്ഷമായോ പരോക്ഷമായോ സഹായത്തിനായി ഒരിക്കൽ ബ്രഹ്മാവിന്റെ വിയർപ്പിൽ നിന്നും സ്വേദജൻ എന്ന സഹസ്ര കവചൻ എന്ന അസുരൻ ജനിച്ചു  ആ അസുരന് മോക്ഷം കൊടുക്കാനായി വിഷ്ണു നര- നാരായണൻ മാരായി അവതരിച്ച് 999 കവച ജന്മ- ങ്ങളേയും വധിച്ചുവല്ലോ! അടുത്ത ജന്മം അവന്റെ വളരെ ശേഷ്ഠമാണ് കൗമാരത്തിന്റെ അവിവേകത്താൽ പൃഥാ ദേവി ദർവാസാവ് കൊടുത്ത മന്ത്രം സൂര്യദേവനെ നോക്കി ജപിക്കും ദ്വാദശാദിത്യന്മാരിൽ പെട്ടവരാണല്ലോ വിഷ്ണുവും രുദ്രനും രുദ്രന്റെ അവതാരമായ ദുർവാസാവ് മഹർഷി കൊടുത്ത വരം ഫലത്തിൽ എത്തിക്കേണ്ടത് ദ്വാദശാദിത്യരിൽ ഒരാളായ വാമനമൂർത്തിയാണ് അദിതിയുടെ പുത്രൻമാർ എന്ന അർത്ഥവും ആദിത്യൻ എന്നതിനുണ്ട് അദിതിയുടെ പുത്രനായ വിഷ്ണു വാമനമൂർത്തി ആണല്ലോ! ആയതിനാൽ സൂര്യതേജസ്സായ സ്വേദ ജന്റെ സൂക്ഷ്മരൂപി ആയ ആത്മാവിനെ പൃഥയുടെ ഗർഭഗൃഹത്തിലേക്ക് ആനയിക്കേണ്ടത് വിഷ്ണു ആണ് ജനിക്കുന്ന കർണ്ണൻ വൈഷ്ണവ തേജസ്സോടെ ആയിരിക്കണം ശിവ അവതാരമായ ദുർവാസാവിന്റെ മന്തം സാഫല്യമാക്കേണ്ടത് വിഷ്ണു അവതാരമായ വാമനമൂർത്തി അപ്പോൾ സ്വേദജന്റ ആയിരാമത്തെ കവച ജന്മം ശൈവ-വൈഷ്ണവ ശക്തി സമന്വിതമായിരിക്കണം അതി തേജസ്സുള്ള ശക്തി ആണെങ്കിലേ നര- നാരായണ ജന്മങ്ങളായ അർജുനനും എനിക്കും ചേർന്ന് മാത്രം മോക്ഷം കൊടുക്കാൻ പറ്റൂ അതിന് പാകത്തിൽ കർണന്റെമനസ്സിൽ ജ്ഞാനം കൊടുക്കേണ്ടത് പരശുരാമനാണ് വിദ്യ പഠിക്കാൻ വരുന്ന കാലഘട്ടത്തിൽ തത്വോപദേശം കൂടി പരശുരാമൻ കർണ്ണന് കൊടുക്കണം അർജുനന് ഭഗവദ് ഗീതയായി ഞാനും ഉപദേശം കൊടുത്തു കൊള്ളാം -- തുടരും

ദളിതൻ എന്ന് ഉദ്ദേശിക്കുന്നത് ആരെ?

        'പണ്ടത്തെ അമ്മൂമ്മമാർ കുട്ടികൾ വികൃതി കാണിച്ചാൽ ചീത്ത പറയുന്ന വാക്കുണ്ട് " അ ശ്രീകരം കെട്ട ജന്തു "  ഇതിന്റെ അർത്ഥം എന്തെന്ന് നോക്കിയിട്ടല്ല വിളിക്കുന്നത് ദേഷ്യം തീർക്കാർ വേണ്ടി ഉപയോഗിക്കുന്ന ചില ശബ്ദങ്ങൾ മാത്രം
      അത് പോലെ സാമ്പത്തിക പരമായും സാമൂഹ്യ പരമായും വിദ്യാഭ്യാസ പരമായും വളരെ പിന്നിൽ നിൽക്കുന്നവർക്ക് കൊടുത്ത പേരാണ് ദലിതൻ / ദളിതൻ
      ശബ്ദതാരാവലിയിൽ ദലിത / ദളിത എന്നതിന് വിടർന്ന എന്ന അർത്ഥമാണ് ദളിതൻ വിടർന്ന വൻ അതായത് മാനസികമായി വിശാലമായി ചിന്തിക്കുന്നവൻ എന്നർത്ഥം
      ഒരു യോഗിയുടെ മനസ്സിനെ ദളിതം എന്ന് പറയാം യോഗി എന്ന് ദളിതൻ എന്നതിന് അർത്ഥവും വരും  ഇനി ഏകാക്ഷര നിഘണ്ടു പ്രകാരം ആയാൽ
ദ- ദേവൻ
ലി /ളി --ശബ്ദം
ത- ശാന്തം
അപ്പോൾ അന്വയിക്കുമ്പോൾ - ശാന്തമായ ദേവ ശബ്ദം
ദളിതൻ - ശാന്ത ഭാവത്തിലുള്ള ദിവ്യമായ ശബ്ദത്തോടു് കൂടിയവൻ
       ഒരു യോഗിയുടെ ശബ്ദം ദിവ്യമായിരിക്കും ഇന്ദ്രിയ നിഗ്രഹം നടത്തിയതിനാൽ ശബ്ദത്തിന് സാത്വിക ഭാവമായിരിക്കും അത് ദിവ്യവും ആണ്
‌  എല്ലാം കൊണ്ടും വികസിച്ച ഒരാൾക്കേ ശാന്തമായ ദേവ ശബ്ദം ഉണ്ടാക്കാൻ കഴിയു  ഏത് രീതിയിൽ നോക്കിയാലും ഒരുയോഗിയെ ആണ് ദളിതൻ എന്ന വാക്ക് കൊണ്ട് വിവക്ഷിക്കുക  ആയതിനാൽ ദളിത വിഭാഗം എന്നൊക്കെ പറഞ്ഞാൽ യാതൊരു കുറവോ ലജ്ജയോ ദേഷ്യമോ വിചാരിക്കേണ്ടതില്ല.   യോഗി എന്ന് പറയുമ്പോൾ ദേഷ്യപ്പെടേണ്ട ആവശ്യം ഇല്ലല്ലോ        ചിന്തിക്കുക

ഭഗവദ് ഗീതാ പഠനം 286 ആം ദിവസം അദ്ധ്യായം 7 ജ്ഞാനവിജ്ഞാന യോഗം ശ്ലോകം 19

ബഹൂനാം ജന്മനാമന്തേ ജ്ഞാന വാൻ മാം പ്രപദ്യന്തേ
വാസുദേവ: സർവ്വമിതി സ മഹാത്മാ സു ദുർല്ലഭ:
അർത്ഥം
           എത്രയോ ജന്മങ്ങൾ കഴിഞ്ഞ് അവസാനം സർവ്വവും വാസുദേവൻ തന്നെ എന്ന ബോധമുണർന്ന യോഗി എന്നെ പ്രാപിക്കുന്നു അത്തരം മഹാത്മാക്കൾ വളരെ വിരളമായിരിക്കും

വിശദീകരണം
സർവ്വം ബ്രഹ്മമയം എന്ന അനുഭവം സിദ്ധിച്ച ജ്ഞാനികൾ വളരെ വിരളമാണ് സാധകരെ നിരുത്സാഹപ്പെടുത്താൻ പറഞ്ഞതല്ല. ലോകത്തിലെ മറ്റുള്ള  ജീവരാശികളുമായി തട്ടിച്ചു നോക്കുമ്പോൾ മനുഷ്യൻ വളരെ കുറവാണ് മനുഷ്യരിൽത്തന്നെ മാനസികമായും ബുദ്ധിപരവും ആയി വികാസം നേടിയവർ വളരെ കുറവാണ് മനോബുദ്ധികൾ വികസിച്ചവരിൽത്തന്നെ സത്യാന്വേഷണത്തിലും ശാസ്ത്ര പഠനത്തിലും തല്പരർ ആകുന്നില്ല  പലരും ബുദ്ധിപരമായ അറിവ് കൊണ്ട് തൃപ്തരാകുന്നു. അറിവ് പ്രയോഗിക്കുന്നവർ വളരെ കുറവ് ജ്ഞാനത്തിനനുസരിച്ച് ആത്മാർത്ഥമായി പ്രയത്തിച്ച് പരമ തത്വം സാക്ഷാത്കരിക്കുന്നവർ വളരെ കുറച്ചേ ഉണ്ടാകൂ
 അപൂർണതയിൽ നിന്നും പൂർണതയിലേക്ക് ഉള്ള ജീവന്റെ വികാസം വളരെ മെല്ലെയാണ് നടക്കുന്നതെന്ന് ഡാർവിന്റെ മുമ്പേ നമ്മുടെ ഋഷികൾ പ്രവചിച്ചിരുന്നു   അപ്പോൾ പതുക്കെ മാത്രമേ സർവ്വം ബ്രഹ്മമയം എന്ന ജ്ഞാന ബോധത്തിലേക്ക് ഒരു ജീവാത്മാവ് എത്തുകയുള്ളു അങ്ങി നെ എത്തിയ യോഗികൾ എന്നെ പ്രാപിക്കുന്നു എന്ന് ഭഗവാൻ പറയുന്നു 

മൂന്നാം ഭാഗം ആരാണ് ശ്രീകൃഷ്ണൻ?

       ഭഗവാർ ശ്രീകൃഷ്ണൻ പറഞ്ഞു ബ്രഹ്മ ദേവാ ഇവിടെ നിങ്ങൾക്ക് ദൃശ്യമാകുന്ന വൃന്ദാവനം ഗോവർദ്ധനം വിരജാ നദി (കാളിന്ദി) എന്നിവ ഭൂമിയിൽ സൃഷ്ടിക്കപ്പെടണം സാക്ഷാൽ മഹാലക്ഷ്മിക്ക് 8 ഭാവങ്ങൾ ഉണ്ട് നിരവധി ഉപഭാവങ്ങളൂം വിഷ്ണുവിനോടൊപ്പം വൈകുണ്ഠത്തിൽ ലക്ഷ്മീഭാവത്തിലും എന്നോടൊപ്പം ഈഗോലോകത്തിൽ രാധ എന്ന പേരോട് കൂടിയും മഹാലക്ഷ്മി വസിക്കുന്നു
     വിദ്യാലക്ഷ്മിയായി സരസ്വതിയായി അങ്ങയോടൊപ്പം സഹധർമ്മിണിയായി വസിക്കുന്നതും ധാന്യലക്ഷ്മിയായ ഭൂമീദേവി പാർവ്വതിയായി പരമശിവന്റെ കൂടെ വസിക്കുന്നതും മഹാലക്ഷമി തന്നെ.
     ഒരിക്കൽ    ഞാനും വിരജ എന്ന ഗോപസ്ത്രീയും cജ്ഞാനിയായ ജ്ഞാനത്തെ പരിപാലിക്കുന്നവൾ ആയ എന്നാണ് ഗോപസ്ത്രീ എന്നതിനർത്ഥം ) സു ദാമാവ് എന്ന ഭക്തനും കൂടി ഒരുമിച്ചിരിക്കുമ്പോൾ രാധ നീരസ ഭാവത്തിൽ എന്നോട് പെരുമാറി ഈ ഗോലോകത്ത് അങ്ങിനെ പാടില്ല വിവിധ വികാരങ്ങൾ ഇവിടെ ഇല്ല ഇവിടെ ഭക്തി മാത്രമേ ഉണ്ടാവു അതിനാൽ സുദാ മാവ് രാധയെ ശപിച്ചു  നീ ഭൂമിയിൽ പിറന്ന് വിരഹ ദുഖം അനുഭവിക്കട്ടെ എന്ന് അപ്പോൾ ഭൂമിയിൽ സൃഷ്ടിക്കപ്പെടുന്ന വൃന്ദാവനത്തിലെ ഗ്രാമത്തലവൻ വൃഷഭാനുവിന്റെ പുത്രിയായി രാധ ശാപം അനുഭവിക്കാൻ വന്നു പിറക്കട്ടെ!
           രാധ സുദാ മാവിനേയും ശപിച്ചു ഒരു അസുരനായി പിറക്കട്ടെ എന്ന് ശംഖുചൂഡൻ എന്ന അസുരനായി സുദാ മാവ് പിറക്കട്ടെ! എന്റെ സന്തത സഹചാരി ആകണം എന്ന് സുദാ മാവിന് ആഗ്രഹം ഉള്ളതിനാൽ ഈ രൂപത്തിൽ വൈഷ്ണവ ശരീരത്തിലൂടെ ഞാൻ അവതരിക്കുമ്പോൾ സുദാ മാവ് കുചേലൻ എന്ന പേരിൽ അറിയപ്പെടുന്ന ഭക്തനായ ബ്രാഹ്മണൻ ആയി മറ്റൊരു അവതാരം എടുക്കട്ടെ!
      കശ്യപ പ്രജാപതി വസുദേവരായും അദി തീ ദേവി ദേവകിയായും എന്റെ പിതാവും മാതാവും ആകാൻ വേണ്ടി ഭൂമിയിൽ അവതരിക്കട്ടെ! അഷ്ട വസുകളിൽ ആദ്യത്തെ 6 പേർ എന്റെ ജ്യേഷ്ഠ മാരായി ദേവ കീ വസുദേവൻ മാരുടെ മക്കളായി പിറക്കട്ടെ! അഷ്ട വസുക്കളിൽ ഏഴാമത്തെ വസുവും ഭാര്യയും നന്ദ ഗോപർ യശോദ എന്നിവരായി എന്റെ വളർത്തഛനും വളർത്തമ്മയും ആയി ഭൂമിയിൽ അവതരിക്കട്ടെ! എട്ടാമത്തെ വസു ഭീഷ്മർ എന്ന പേരീൻ ഹസ്തിന പുരിയിൽ വന്ന് പിറക്കട്ടെ!     തുടരും