മഹാഭാരതത്തിലെ കഥാ പാത്രങ്ങള്‍ --2 -കര്‍ണന്‍ (KARNAN)--ഭാഗം --3
*********************************************************************
**വസുക്ഷേണന്‍ എന്നായിരുന്നു അതിരഥനും രാധയും കര്‍ണ നു നല്‍കിയ നാമം -ചെറുപ്പത്തിലെ ലക്‌ഷ്യം തെറ്റാതെ അസ്ത്രമെയ്യാനുള്ള പാടവം കര്‍ ണ നു ഉണ്ടായിരുന്നു -- ആയതിനാല്‍ തന്നെ ഹസ്തിന പുരിയിലേക്ക് മകനെ കൊണ്ട് പോകാന്‍ ആതിരഥന്‍ തീരുമാനിച്ചു --അവരുടെ വീട് ചമ്പാപുരിയില്‍ ആയിരുന്നു --
ഇതിനു മുന്‍പേ കുന്തിക്കും മാദ്രിക്കും കുട്ടികള്‍ ജനിച്ചപ്പോള്‍ കുട്ടികളെ കുന്തി നോക്കുമായിരുന്നു --ഭര്‍ത്താവിനെ മാദ്രിയും --ഒരിക്കല്‍ കുളികഴിഞ്ഞു വരുന്ന മാദ്രിയെ കണ്ടതും വളര്റെ കാലമായി അടക്കിപ്പിടിച്ച ആവേശം അണപൊട്ടി ഒഴുകി --കാമവും ഭയവും പാണ്ഡുവില്‍ ആവേശിച്ചു ഫലം ഹൃദയ സ്തംഭനം ആയിരുന്നു -- പാണ്ഡുവിന്‍റെ മരണ ശേഷം ധൃത രാഷ്ട്രര്‍ വിദുരരുടെ നിര്‍ദ്ദേശ പ്രകാരം കുന്തിയെയും കുട്ടികളെയും ഹസ്തിന പുരിയിലേക്ക് കൊണ്ട് പോന്നു --മാദ്രി പാണ്ഡുവിന്‍റെ ചിതയില്‍ ചാടി ആത്മാഹുതി ചെയ്തു --താന്‍ കാരണമാണല്ലോ ഭര്‍ത്താവ് മരിക്കാന്‍ ഇടയായത് എന്നാ കുറ്റബോധം മാദ്രിക്ക് ഉണ്ടായിരുന്നു -- കുന്തിയെക്കാള്‍ സുന്ദരിയായ മാദ്രിയോട് പാണ്ഡുവിനെ പരിചരിക്കുമ്പോള്‍ വളരെ ശ്ര്ധ്ധിക്കനം എന്ന് പറഞ്ഞിരുന്നു അങ്ങിനെ തന്നെയാണ് ചെയ്തു പോന്നതും പക്ഷെ ഒരിക്കല്‍ പിഴച്ചു --അതിനാല്‍ മക്കളെ നോക്കണം എന്ന് കുന്തിയോട് പറഞ്ഞു മാദ്രിയും ഭര്‍ത്താവിനെ അനുഗമിച്ചു
പാണ്ഡു വിന്‍റെ വിവാഹശേഷം ഭീഷ്മര്‍ ധൃതരാഷ്ട്ര്‍ക്ക് വിവാഹാലോചനയുമായി ഗാന്ധാര ദേശത്ത് എത്തി --രാജാവായ സുബേലന്റെ പുത്രി ഗാന്ധാരിയെ ആവശ്യപ്പെട്ടാണ് എത്തിയത് --ശ്രേഷ്ടമാണ് ഹസ്തിനപുരി എങ്കിലും അന്ധനായ ഒരുവന് പുത്രിയെ നല്‍കുന്നതില്‍ സുബെലനോ പുത്രനായ ശകുനിക്കോ ഇഷ്ടം ആയിരുന്നെന്നു വിശ്വസിക്കാന്‍ പ്രയാസം --ഭീഷ്മര്‍ ക്ക് ലഭിച്ച വരം ആണ് ഏവരെയും ഭയപ്പെടുത്തിയത് --എന്നാല്‍ ഭീഷ്മരെ മനസ്സിലാക്കാന്‍ ഇവര്‍ ശ്രമിച്ചില്ല എന്നതാണ് സത്യം പിതാവിന് വേണ്ടി സത്യവതിയെ കൊണ്ട് വന്നപ്പോളും അനിയന് വേണ്ടി അംബിക അംബാലിക എന്നിവരെ കൊണ്ട് വന്നപ്പോളും ഉള്ള പരിത സ്ഥിതിയല്ല ഇവിടെ --മറ്റു രണ്ടും കൊണ്ടുവരാന്‍ ഭീഷ്മര്‍ യത്നിച്ചു അത് നടന്നു എന്നാല്‍ ഇവിടെ ഒരന്വേഷണം നടത്തി എന്നത് ശരിയാണ് അവര്‍ നിഷേധിചെങ്കില്‍ തീര്‍ച്ചയായും ഭീഷ്മര്‍ മടങ്ങി പ്പോകുമായിരുന്നു --ഒരു ബല പ്രയോഗത്തിനു ഭീഷ്മര്‍ തെയ്യാ റാകില്ല കാരണം ഒരന്ധനു വേണ്ടിയാണ് വിവാഹം ആലോചിക്കുന്നത് അത് തന്നെ --പക്ഷെ ഗാന്ധാര രാജാവ് ഭയപ്പെട്ടു കുട്ടിയെ കൊടുക്കുകയാണ് ചെയ്തത് -- ഈ കാര്യവും ഭീഷ്മരില്‍ ആരോപിക്കുന്നുണ്ട് --ഇവിടെയൊന്നും ഭീഷ്മര്‍ തെറ്റുകാരന്‍ അല്ല --ഒരു പിതാവിന്‍റെ സ്ഥാനത്ത് നിന്ന് കൊണ്ട് അതെ അദ്ദേഹത്തിനു ചെയ്യാന്‍ കഴിയൂ -- മാത്രമല്ല എല്ലാം അറിയുന്ന വ്യാസന്‍ ഒന്നും എതിര്‍ത്തിട്ടും ഇല്ല
കുന്തീ ദേവിക്ക് കുട്ടി ജനിച്ചു എന്നറിഞ്ഞ മുതല്‍ ഹസ്തിനപുരിയില്‍ ധൃത രാഷ്ട്ര രുടെ പത്നിയായി എത്തിയ ഗാന്ധാരിക്കും പുത്രന്മാര്‍ക്കുള്ള ആശയുണ്ടായി --ഗര്‍ഭം ധരിക്കുകയും ചെയ്തു സമയം കഴിഞ്ഞിട്ടും പ്രസവിക്കാത്തതിനാല്‍ സ്വന്തം ഉദരത്തില്‍ മര്‍ദ്ദിക്കുക കാരണം പ്രസവിച്ചത് ഒരു മാംസ പിണ്ഡം ആയിരുന്നു --വ്യാസന്‍ ആ പിണ്ഡം 101 കുടങ്ങളില്‍ ആക്കി വെക്കുകയും കുടത്തില്‍ നിന്ന് കൌരവര്‍ ജനിച്ചു എന്നും ആണ് കഥ --ഇവിടെ ഒരു സ്ത്രീയുടെ ഗര്‍ഭ പാത്രത്തിലെ അവസ്ഥയെ ശാസ്ത്രത്തിന്‍റെ സഹായത്താല്‍ നേരെയാക്കിയ കഥയാണ് പറയുന്നത് എങ്ങിനെ എന്നറിയാന്‍ ആയുര്‍വേദ ഗ്രന്ഥങ്ങള്‍ പരിശോധിച്ചേ മതിയാകൂ മഹാഭാരതം മാത്രം പോരാ --തുടരും
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ