പ്രണവം

അശാന്തിയുടെ, നാളുകൾ

ഈ കാലഘട്ടം അശാന്തിയുടേതാണ്. അധികാരം എങ്ങിനെ ഉപയോഗിക്കണം എന്നറിയാത്തവർ ഭരണം കയ്യാളുമ്പോൾ സാധാരണക്കാർ ദുരിതത്തിലാകുന്നു. ഒറ്റ സമാധാന മേ ഉള്ളൂ കലിയുഗവർണ്ണനയിൽ പറയുന്നു.- അർഹത ഇല്ലാത്തവൻ ഉന്നത സ്ഥാനങ്ങൾ അലങ്കരിക്കും. ബ്രാഹ്മണൻ ശൂദ്രകർമ്മങ്ങൾ ചെയ്യും ശൂദ്രർ ബ്രാഹ്മണ കർമ്മങ്ങളും ചെയ്യും. ഭക്തി കച്ചവടമാകും. പിതാവിനെ ദ്രോഹിക്കുന്ന മക്കളും ഗുരുവിനെ നിന്ദിക്കുന്ന ശിഷ്യരും പന പോലെ തഴച്ചുവളരും - സജ്ജനങ്ങൾക്ക് ആ ആപ്തവാക്യം വായിച്ച് സമാധാനത്തോടെ ഈശ്വര ചിന്തയിൽ മുഴുകാം.

എങ്കിലും നാം ജീവിച്ചു കൊണ്ടിരിക്കുന്നു. സ്വയം രക്ഷ നോക്കേണ്ട കാലം. ആയതിനാൽ എന്ത് പ്രകോപനമുണ്ടായാലും സമചിത്തത കൈവരിച്ച് മാന്യമായ ഭാഷ പ്രയോഗിക്കാൻ നാം ശീലിക്കണം. സർക്കാരിൽ നിന്ന് നീതി ലഭിക്കും എന്ന് ആരും കരുതേണ്ട. ആയതിനാൽ അവ നവന്റെ രക്ഷ അവനവൻ തന്നെ നോക്കണം, എന്ത് വന്നാലും വേണ്ടില്ല പ്രതികാരം ചെയ്തേ മതിയാകൂ എന്നുള്ളവർക്ക് അങ്ങിനേയുമാകാം. പക്ഷെ അത് സമൂഹത്തെ മൊത്തം ബാധിക്കും എന്നതിനാൽ വിവേക പൂർവ്വം ചിന്തിച്ചേ പ്രതികാരത്തിന് ഇറങ്ങാവു

ഈ അടുത്ത കാലത്ത് ഹൈന്ദവ സംസ്കാരത്തിന് കനത്ത വെല്ലുവിളികൾ നേരിടേണ്ടി വന്നിരിക്കുന്നു. ക്ഷേത്രങ്ങൾ തകർക്കപ്പെടുന്നു. മലപ്പുറം ജില്ലയിൽ നിലമ്പൂരിനടുത്ത് പൂക്കോട്ടുംപാടം എന്ന സ്ഥലത്തെ പ്രസിദ്ധമായ വില്വത്ത് ക്ഷേത്രം കഴിഞ്ഞ ദിവസം തകർക്കപ്പെട്ടു. ഹിന്ദു നാമധാരിയായ ഒരു വ്യക്തിയാണ് അതിന് പി ന്നിലെന്ന് കണ്ടെത്തി. എന്നാൽ ഇയാൾ മതം മാറിയവനും പേര് മാറ്റാത്തവനും ആണെന്ന് പൊതു സംസാരം

കേരളത്തിലെ ഭരണത്തിൽ കീഴിൽ കാര്യമായ ഒരു സഹായം ഈ വിഷയത്തിൽ ഉണ്ടാകും എന്നു കരുതാനാകില്ല. തെറി പറഞ്ഞത് കൊണ്ടോ ' വികാരപ്രകടനം കൊണ്ടോ ഒരു പരിഹാരവും ആകില്ല. ഇത്തരം സംഭവങ്ങൾ ആവർത്തിക്കാതിരിക്കാൻ ഹൈന്ദവ സംഘടനകൾ വിവേകപൂർവ്വം ആലോചിച്ച് ഒരു സംവിധാനം ചെയ്യേണ്ടതാണ്. ഹൈന്ദവർക്ക് എതിരായി നടക്കുന്ന ഏത് വിധ്വംസക പ്രവർത്തനത്തിനും തടയിടാൻ ഇന്നത്തെ ഗവർമെന്റ് ശ്രമിക്കില്ല എന്ന് അന്നം ഭക്ഷിക്കുന്നവന് അറിയാം. ആയതിനാൽ കാർമ്മബുദ്ധിയോടെ ഇത്തരത്തിലുള്ള ആക്രമണം എങ്ങിനെ തടയാം എന്നാണ് നാം ചിന്തിക്കേണ്ടത്. അതിന് പിന്നിൽ പ്രവർത്തിക്കുന്നവരെ കണ്ടെത്താനുള്ള സംവിധാനം നമ്മൾ തന്നെ ആസൂത്രണം ചെയ്തേ മതിയാകൂ. ഇത്തരം സംഭവങ്ങൾ കേന്ദ്ര സർക്കാരിന്റെ ശ്രദ്ധയിൽ വളരെ ഗൗരവത്തോടെ എത്തിക്കാനും ബന്ധപ്പെട്ടവർ തീവ്രമായി ശ്രമിക്കേണ്ടതാണ്.