പ്രണവം

ഭഗവദോപദേശത്തിന്റെ പൊരുൾ  ഭാഗം-1

ഭഗവദ് ഗീത നാലാം അദ്ധ്യായത്തിലെ അഞ്ചാം ശ്ലോകം ശ്രദ്ധിക്കുക

ബഹുനി മേ വ്യതീതാനി ജന്മാനി തവ ചാർജ്ജുന
താ ന്യഹം വേദ സർവ്വാണി ന ത്വം വേത്ഥ പരന്തപ'
        'അർത്ഥം
എനിയ്ക്കും നിനക്കും എത്രയോ ജന്മങ്ങൾ കഴിഞ്ഞിരിക്കുന്നു. അവയെല്ലാം ഞാൻ അറിയുന്നു. നീ അറിയുന്നില്ല. ഹേ പരന്തപ
       വിശകലനം
ഭഗവാൻ ശ്രീകൃഷ്ണൻ ജീവിച്ചിരുന്നിട്ടില്ലെന്നും ഞാൻ എന്ന് പറയുന്നത് പരമാത്മാവിനെ ഉദ്ദേശിച്ച് വ്യാസൻ കല്പിച്ചതാണ് എന്നും മറ്റും പറയുന്നവരുടെ വാദമുഖങ്ങളെ നിരാകരിക്കുന്നതാണ് ഈ ശ്ലോകം  കാരണം എനിക്കും നിനക്കും എത്രയോ ജന്മങ്ങൾ കഴിഞ്ഞിരിക്കുന്നു  എന്ന് പറയുമ്പോൾ എനിക്ക് എന്ന് പറയുവാൻ ശ്രീ കഷ്ണൻ ജീവിച്ചിരുന്നല്ലേ പറ്റൂ? പരമാത്മാവ് ജനിക്കുന്നും മരിക്കുന്നുമില്ല. അപ്പോൾ ജന്മങ്ങൾ കഴിഞ്ഞിട്ടും ഇല്ല. അനേകം ജന്മങ്ങൾ കഴിഞ്ഞിരിക്കുന്നു എന്ന് പറയുമ്പോൾ അവതാരമായ ശ്രീ കൃഷ്ണന് അസ്ഥിത്വം ഉണ്ട് എന്നല്ലേ അർത്ഥം?  അപ്പോൾ ഞാൻ എന്ന് പറയുമ്പോൾ പരമാത്മാവിനെ ഉദ്ദേശിച്ചാണ് കൂടുതലും എന്നാൽ കൃഷ്ണൻ എന്ന അവതാരത്തെ ഉദ്ദേശിച്ചുകൊണ്ടും ഞാൻ എന്ന് ഭഗവാൻ പറയുന്നുണ്ട് എന്ന് വ്യക്തമാണല്ലോ!

അത് ഗീത വായിച്ച് ജനം മനസ്സിലാക്കിയിട്ടില്ലെങ്കിലും ഭക്തർക്ക് വിശ്വാസം ഉണ്ടാകാൻ കാരണവും  പണ്ഡിതന്മാർ എന്ന് വിശേഷിപ്പിക്കപ്പെടുന്നവർ പറയുന്ന കൃഷ്ണന്റെ അസ്ഥിത്വമില്ലായ്മയെ ജനം സ്വീകരിക്കാത്തതും ശ്രീകൃഷ്ണ പരമാത്മാവ് അവതാരം എടുത്തു എന്നതിനാലാണ്. ചിന്തിക്കൂക
       ഓം നമോ ഭഗവതേ വാസുദേവായ