പ്രണവം

ഭഗവദ് ഗീതാപഠനം  376-ആം ദിവസം  അദ്ധ്യായം 13  ശ്ലോകം  18 Date  21/7/2016

ജ്യോതിഷാമ പി തജ്ജ്യോതിഃ തമസഃ പരമുച്യതേ
ജ്ഞാനം ജ്ഞേയം ജ്ഞാനഗമ്യം ഹൃദി സർവ്വസ്യ വിഷ്ഠിതം
          അർത്ഥം
ജ്യോതിസ്സുകൾക്കും ജ്യോതിസ്സായ അത് തമസ്സിന് അപ്പുറമാണെന്ന്  പറയപ്പെടുന്നു ജ്ഞാനവും,ജ്ഞേയവും ജ്ഞാനഗമ്യവും അത് തന്നെ. അത് എല്ലാവരുടെയും ഹൃദയത്തിൽ സ്ഥി തി ചെയ്യുന്നു
19
ഇതി ക്ഷേത്രം തഥാ ജ്ഞാനം ജ്ഞേയം ചോക്തം സമാസതഃ
മദ്ഭക്ത ഏതദ്വിജ്ഞായ മദ്ഭാവായോപപദ്യതേ
         അർത്ഥം
ഇങ്ങിനെ ക്ഷേത്രം,ജ്ഞാനം ജ്ഞേയം ഇവയെപ്പറ്റി ഞാൻ ചുരുക്കി പറഞ്ഞു എന്റെ ഭക്തൻ ഇതറിഞ്ഞ് ആത്മ സാക്ഷാത്കാരത്തിന് യോഗ്യനായിത്തീരുന്നു
20
പ്രകൃതിം പുരുഷം ചൈവ വിദ്ധ്യനാദീ ഉഭാവപി
വികാരാംശ്ച ഗുണാംശ്ചൈവ വിദ്ധി പ്രകൃതി സംഭവാൻ
        അർത്ഥം
പ്രകൃതിയേയും പുരുഷനേയും രണ്ടിനേയും അനാദികളെന്നറിഞ്ഞാലും വികാരങ്ങളും ഗുണങ്ങളും ഒക്കെ പ്രകൃതിയിൽ നിന്നുണ്ടായവയാണെന്നും അറിയുക
     
         വിശദീകരണം
മുമ്പ് പുരുഷൻ എന്നതിന് പരാ പ്രകൃതിയെന്നും പ്രകൃതിയെ അപരാ പ്രകൃതി എന്നും പറയുകയുണ്ടായി ഇവിടെ പേര് മാറ്റി പറഞ്ഞു എന്ന് മാത്രം വിവിധ വികാരങ്ങളും ഗുണങ്ങളും പ്രകൃതിയിൽ നിന്നുണ്ടായ വയാണ് അഥവാ അത് പ്രകൃതിയുടെ സ്വഭാവമാണ് പുരുഷൻ അഥവാ പ രാ പ്രകൃതി അഥവാ ക്ഷേത്രജ്ഞൻ നിർഗ്ഗുണ മാകുന്നു