പ്രണവം

ഭഗവദ് ഗീതാ പഠനം 381-ആം ദിവസം അദ്ധ്യായം  13 ശ്ളോകം  27 തിയ്യതി-29/7/2016

യാവത് സംജായതേ കിഞ്ചിത് സത്ത്വം സ്ഥാവരജംഗമം
ക്ഷേത്ര ക്ഷേത്രജ്ഞ സംയോഗാത് തദ്വിദ്ധി ഭരതർഷഭ
            അർത്ഥം
അർജ്ജുനാ,സ്ഥാവരമോ, ജംഗമമോ,ആയി എന്തെങ്കിലും ഒന്ന് ഉണ്ടാകുന്നുവോ,അത് ക്ഷേത്ര ക്ഷേത്രജ്ഞന്മാരുടെ സംയോഗം കൊണ്ടാണെന്ന് അറിഞ്ഞ് കൊൾക!
       വിശദീകരണം
ഞാൻ മാത്രമേ ഉള്ളൂ ഇവിടെ എന്ന് വേറൊരു തരത്തിൽ പറഞ്ഞിരിക്കുന്നു ക്ഷേത്രം പ്രകൃതിയും ക്ഷേത്രജ്ഞൻ പുരുഷനും ആണല്ലോ! സർവ്വ ഭൂതങ്ങളിലും ഞാൻ തന്നെ കുടി കൊള്ളുന്നത് ക്ഷേത്രത്തിനകത്ത് ക്ഷേത്രജ്ഞനായും പുറത്ത് പരമാത്മാവായും ഞാൻ പറയപ്പെടുന്നു എന്ന് സാരം ഇളകുന്ന വസ്തുക്കളിലും ഇളകാത്ത വസ്തുക്കളിലും ഉള്ളിൽ ഞാൻ ക്ഷേത്രജ്ഞനായി ഭവിക്കുന്നു വസ്തുക്കളെല്ല്ാം ക്ഷേത്രവും ചുരുക്കി പറഞ്ഞാൽ ഈ പ്രപഞ്ചം ഒരു ക്ഷേത്രമാകുന്നു എന്ന് താൽപ്പര്യം
28
സമം സറവ്വേഷു ഭൂതേഷു തിഷ്ഠന്തം പരമേശ്വരം
വിനശ്യത്സ്വവിനശ്യന്തം യഃ പശ്യതി സ പശ്യതി
            അർത്ഥം
സർവ്വ ചരാചരങ്ങളിലും ഒരുപോലെ കുടി കൊള്ളുന്ന പരമേശ്വരനെ നശ്വരവസ്തുക്കളിൽ അനശ്വരനായി ആർ കാണുന്നുവോ? അവനത്രേ സത്യ ദർശി
          അതായത് സർവ്വ വസ്തുക്കളുടെയും ശരീരമേ നശിക്കുന്നുള്ളൂ അതിലെ പരമേശ്വരൻ അഥവാ ആത്മാവ് അനശ്വരനാണ് ഇത് ഉൾക്കൊണ്ടവനാരോ അവൻ സത്യദർശിയാകുന്നു എന്നാണ് ഭഗവാൻ പറയുന്നത്