പ്രണവം

ഭഗവദ് ഗീതാ പഠനം  373-ആം ദിവസം അദ്ധ്യായം  13 --തിയ്യതി --14/7/2016
ശ്ളോകം --12
അദ്ധ്യാത്മജ്ഞാനനിത്യത്വം തത്ത്വജ്ഞാനാർത്ഥദർശനം
ഏതത് ജ്ഞാനമിതി പ്രോക്തം അജ്ഞാനം യദതോ/ന്യഥാ
                  അർത്ഥം
അദ്ധ്യാത്മ ജ്ഞാനനിത്യത്വം--- അദ്ധ്യാത്മ ജ്ഞാനത്തിനനുസരിച്ചു തന്നെ സദാ ജീവിതം നയിക്കുവാനുള്ള താൽപ്പര്യം

തത്ത്വജ്ഞാനാർത്ഥ ദർശനം = തത്ത്വജ്ഞാനത്തിന്റെ പ്രയോജനം കണ്ടറിയൽ

ഏതത് ജ്ഞാനം ഇതി പ്രോക്തം --മേൽ പറഞ്ഞ സാത്വിക ഗുണങ്ങളെയെല്ലാം ചേർത്ത് ജ്ഞാനം എന്ന് പറയുന്നു

അതഃഅന്യഥാ യത്(തത്)അജ്ഞാനം---ഇതിന് വിപരീതമായതൊക്കെ അജ്ഞാനം തന്നെ
13
ജ്ഞേയം യത് തത് പ്രവക്ഷ്യാമി യത്ജ്ഞാത്വാ/മൃതമശ്നുതേ
അനാദിമത് പരം ബ്രഹ്മ ന സത് തന്നാസദുച്യതേ
           അർത്ഥം
അറിയപ്പെടേണ്ടത് ഏതോ? ഏതിനെ അറിഞ്ഞാൽ അമൃതത്വം പ്രാപിക്കുമോ? അത് ഞാൻ പറഞ്ഞുതരാം അനാദിയായ പരബ്രഹ്മ മത്രേ അത്! അതിനെ സത്തെന്നോ അസത്തെന്നോ പറയാൻ വയ്യ
     വിശദീകരണം
ജ്ഞാനലബ്ധിക്കായി ഉപയോഗിക്കേണ്ടതായ സാധനാമുറകളെ കഴിഞ്ഞ അഞ്ച് ശ്ളോകങ്ങളിലൂടെ വ്യക്തമാക്കി ഇനി മനസ്സിലാക്കേണ്ടതായ പരമാത്മ സ്വരൂപം എന്താണ് എന്ന് പറയാം എന്നാണ് ഭഗവാൻ പറയുന്നത്