പ്രണവം

ചോദ്യവും ഉത്തരവും - 27/5/2016

സാർ ഞാൻ നന്ദഗോപൻ തൃശ്ശൂർ ജില്ല - എനിക്ക് ആദ്ധ്യാത്മികമായി പഠനം നടത്തുമ്പോൾ സംശയങ്ങൾ ഏറി വരുന്നു എന്റെ ഏറ്റവും വലിയ പ്രശ്നം ശ്രീരാമൻ ശ്രീകൃഷ്ണൻ എന്നിവർ യഥാർത്ഥത്തിൽ ജീവിച്ചിരുന്നവരാണോ അതോ സങ്കല്പ്പമാണോ  എന്നതാണ് സാറിന്റെ post കൾ ആർത്തിയോടെ വായിക്കാറുണ്ടു് പല വിവരങ്ങളും അറിയുന്നത് അങ്ങിനെയാണ് എന്റെ ഈ സംശയത്തിന് വ്യക്തമായ മറുപടി തരണം എന്ന് വിനീതമായി അഭ്യർത്ഥിക്കുന്നു
                 മറുപടി
പല തവണ ഇതിന് മറുപടി പറഞ്ഞിട്ടുള്ളതാണ് എങ്കിലും താങ്കളുടെ ചോദ്യത്തിന് വീണ്ടും പറയാം കഴിഞ്ഞു പോയ കാര്യങ്ങൾ നമുക്ക് ഉൾക്കൊള്ളാൻ ഋഷി വചനങ്ങളെയും സാഹചര്യങ്ങളെയും ആശ്രയിച്ചേ പറ്റൂ! കാലത്തിന് പോലും മായ്ക്കാൻ പറ്റാത്ത സേതുബന്ധനം യാഥാർത്ഥ്യമാണ് അത് ഇന്നും ഉണ്ടെന്നും അതിന്റെ പഴക്കം എത്രയാണെന്നും ന്യാസയിലെ ശാസ്ത്രജ്ഞർ പറഞ്ഞിട്ടുണ്ട് ഗതാഗത സൗകര്യത്തിനായി അത് പൊട്ടിക്കണം എന്ന വാദം അടുത്ത കാലത്തായി ഉണ്ടായിരുന്നു എന്നോർക്കുക രാമൻ ചിറ നിർമ്മിച്ചു എന്ന കഥ മാത്രമേ അതിനെക്കുറിച്ച് ഉള്ളൂ രാമഭക്തരെ സംബന്ധിച്ച് ഇത് വളരെ ആസ്വാസമായ കാര്യമാണ്
      മഹാഭാരത യുദ്ധം നടന്ന കാലഘട്ടം വ്യക്തമായി രേഖപ്പെടുത്തിയിട്ടുണ്ടു് ശ്രീകൃഷ്ണനെ മറന്നു കൊണ്ടു് കുരുക്ഷേത്രയുദ്ധം കാണാനാകില്ല   ഭഗവദ് ഗീതയും നമ്മുടെ മുന്നിലുണ്ട് ഒരു ഭക്തനെ സംബന്ധിച്ചിടത്തോളം കൃഷ്ണന്റെ അസ്ഥിത്വം അംഗീകരിക്കാൻ ഇത് തന്നെ ധാരാളം
       പിന്നെ ഏതിനേയും നിഷേധിക്കുക എന്നത് സമൂഹത്തിന്റെ സ്വഭാവമാണ് എന്ത് കൊണ്ട് നിഷേധിക്കുന്നു എന്ന് വ്യക്തമായി പറയാൻ ഇവർക്കൊന്നും കഴിയുകയും ഇല്ല നമ്മുടെ വിശ്വാസം അതെന്തായാലും യുക്തി ഭദ്രമായി സ്ഥാപിക്കാൻ കഴിയണം  അതാണ് വിജ്ഞാന വിഭാഗത്തിൽ പെടുന്നത് വ്യാസൻ നാരദർ ജമിനി തുടങ്ങിയ ഋഷി വ ചനങ്ങൾ ആണ് നമ്മൾ അംഗീകരിക്കേണ്ടത് ഭാഗവത മാഹാത്മ്യം ശരിക്കും ഉൾക്കൊണ്ടാൽ ഇത്തരം സംശയങ്ങൾ ഉണ്ടാകില്ല  നമ്മൾ എപ്പോഴും സത്സംഗത്തിനാണ് യത്നിക്കേണ്ടത് അല്ലാതെ നിഷേധികളുടെ സംഗമല്ല ആവശ്യം   ഒന്നു പറയട്ടെ  വർഷങ്ങളോളം നീണ്ടു നിന്ന പഠനത്തിനും ആദ്ധ്യാത്മിക പ്രവർത്തനങ്ങൾക്കും ഒടുവിൽ എനിക്ക് മനസ്സിലായത് രാമനും കൃഷ്ണനും ചരിത്രപുരുഷന്മാർ ആണ് എന്നതാണ് ഞാൻ അത് വിശ്വസിക്കുന്നു    അംഗീകരിക്കുന്നു