പ്രണവം

ഭഗവദ് ഗീതാപഠനം 334 ആം ദിവസം അദ്ധ്യായം 10 ശ്ലോകം 17 Date 13/5/2016

കഥം വിദ്യാ മഹം യോഗിൻ ത്വാം സദാ പരിചിന്തയൻ
കേഷു കേഷു ച ഭാവേ ഷു ചിന്ത്യോ fസി ഭഗവൻ മയാ
       അർത്ഥം
ഹേ! യോഗേശ്വരാ ഞാൻ ഏതു വിധത്തിൽ എപ്പോഴും ധ്യാനിച്ചാൽ അങ്ങയെ അറിയും? അല്ലയോ ഭഗവാനേ, ഏതേത് ഭാവങ്ങളിലാണ് ഞാൻ അങ്ങയെ ധ്യാനിക്കേണ്ടത്?
18
വിസ്തരേണാത്മനോ യോഗം വിഭൂതിം ച ജനാർദ്ദന
ഭൂയ: കഥയ തൃപ്തി ർ ഹി ശൃണ്വ തോ നാസ്തി മേ fമൃതം
            അർത്ഥം
അല്ലയോ ജനാർദ്ദനാ അങ്ങയുടെ യോഗവും വിഭൂതിയും വിസ്തരിച്ച് ഇനിയും പറഞ്ഞു തന്നാലും എന്തെന്നാൽ അങ്ങയുടെ അമൃത വാണികൾ കേട്ട് എനിക്ക് മതിയാവുന്നില്ല
       ' 'വിശദീകരണം
   അർജ്ജുനന്റെ ഉള്ളിലെ അജ്ഞാനാന്ധകാരം നീങ്ങി എന്ന് നമുക്ക് ഊഹിക്കാം ഭഗവാൻ പറയുന്നത് കേട്ടിട്ട് മതിയാവുന്നില്ല എന്നാണ് ഇവിടെ പറയുന്നത് ഏത് വിധത്തിലുള്ള സംശയങ്ങളും തീർത്തു തരുവാൻ പ്രാപ്തിയുള്ള ഗുരുവാണ് ശ്രീകൃഷ്ണൻ എന്ന് അർജ്ജുനന് ബോദ്ധ്യമായി ബ്രഹ്മോപാസന ഏതെല്ലാം തരത്തിൽ നടത്തണം എന്നാണ് ഭഗവാനോട് അർജ്ജുനൻ ഇപ്പോൾ ചോദിക്കുന്നത്