പ്രണവം

തർക്കിക്കാൻ വന്നവർ

അൻവർ - സാർ ശബരിമലയിൽ സ്ത്രീകൾക്ക് പ്രവേശനം നിഷേധിച്ചത് തെറ്റല്ലേ? ഭരണഘടനാപ്രകാരം ആരാധനാ സ്വാതന്ത്ര്യം എല്ലാവർക്കും ഇല്ലേ? ഞാൻ ഇത് പറയുമ്പോൾ പള്ളിയിൽ സ്ത്രീകളെ കയറ്റാത്തത് എന്ത് കൊണ്ട് എന്ന ചോദ്യമുയരും തെറ്റ് തന്നെയാണ് പക്ഷെ ഞാൻ വിചാരിച്ചാൽ അത് മാറ്റാൻ ഒക്കില്ലല്ലോ
ഞാൻ - ഒരു ചോദ്യം ചോദിക്കുന്നു താങ്കൾ അദ്ധ്യാപകനാണല്ലോ ഈ ജില്ലയിൽ എവിടെ ജോലി ചെയ്യാനും താങ്കൾക്ക് അവകാശമുണ്ട് എന്നാൽ നാളെ അടുത്ത പഞ്ചായത്തിലെ സ്കൂളിൽ പോയി പഠിപ്പിക്കാം എന്ന് കരുതി പോയാൽ അവിടുത്തെ HM സമ്മതിക്കുമോ?
അൻ-സാർ അതിന് ചില നിയമങ്ങളൊക്കെ ഇല്ലേ? ഞാൻ അവിടേക്ക് ട്രാൻസ്ഫർ ആയി പോയാലല്ലേ പറ്റൂ?
ഞാൻ - അതേ പോലെത്തന്നെ ഇവിടേയും ചില നിയമങ്ങൾ ഒക്കെ ഉണ്ട് മാസമുറ തുടങ്ങുന്നതിന് മൂമ്പും അത് കഴിഞ്ഞതിന് ശേഷവും പോകാം
അൻ_ ഈ കറുത്ത മുണ്ട് ഉടുക്കണം എന്ന് എന്താ ഇത്ര നിർബ്ബന്ധം? അതില്ലെങ്കിൽ ഭക്തി കുറയുമോ?
ഞാൻ -താങ്കൾ ഒരു കള്ളിമുണ്ടും ചിത്രപ്പണികളുള്ള ഒരു T ഷർട്ടും ഇട്ട് സ്കൂളിൽ പോകുക HM ക്ലാസിൽ കയറാൻ സമ്മതിക്കുമോ? കള്ളിമുണ്ട് ഉടുത്തു എന്ന് കരുതി താങ്കളുടെ കഴിവ് കുറയുമോ?
അൻ- ഒരദ്ധ്യാപകൻ എന്ന് പറഞ്ഞാൽ ചില ലക്ഷണങ്ങളൊക്കെ ഇല്ലേ? കൂലിപ്പിള്ളേരുടെ പോലെ നടക്കാൻ പറ്റുമോ?
ഞാൻ - ഒരു സ്വാമി എന്ന് പറയുമ്പോഴും ചില ലക്ഷണങ്ങളൊക്കെ ഉണ്ട് അതിൽ പ്പെട്ടതാണ് മാലയും കറുത്ത വസ്ത്രവും

മോഹനൻ - ഇല്ലാത്ത ഒന്നിനെ എന്തിനാ ആരാധിക്കുന്നത്?
ഞാൻ - ഇല്ലാത്ത ഒന്നിനെ ആരും ആരാധിക്കാറില്ല
മോഹ- പിന്നെ ക്ഷേത്രത്തിൽ പോകുന്നതോ? അവിടെ ആരാധനയും ഉണ്ടല്ലോ
ഞാൻ -ഉണ്ടെങ്കിൽ അവിടെ എന്തെങ്കിലും കാണും ഒന്നും ഇല്ലാത്തിടത്ത് ആരും ആരാധിക്കാറില്ല
 മോഹ- ദൈവം എന്നൊന്ന് ഉണ്ടന്നാണോ പറയുന്നത്?
ഞാൻ -എന്ന് ഞാൻ പറഞ്ഞില്ലല്ലോ എന്തൊന്ന് ഉണ്ടാകാനും ഒരു കാരണം വേണം അപ്പോൾ ഈ പ്രപഞ്ചം ഉണ്ടാകാനും ഒരു കാരണമുണ്ട് ആ കാരണത്തെ ആണ് ആരാധിക്കുന്നത്
മോഹ- അതിനെ ദൈവം എന്ന് പറയുന്നതെന്തിന്?
ഞാൻ - ആര് പറഞ്ഞു? സനാതന ഗ്രന്ഥങ്ങളിൽ ഒന്നിലും ദൈവം എന്ന പദമില്ല  ബ്രഹ്മം, പരമാത്മാവ് ഈശ്വരൻ എന്നീ നാമങ്ങളേ കാണു
മോഹ- പിന്നെന്തിന് വിഗ്രഹം വെച്ചു ആരാധിക്കുന്നു?
ഞാൻ - നീന്തൽ പഠിക്കുമ്പോൾ എന്തിനാ  ചകിരി കെട്ടിയതും റബ്ബർ വളയങ്ങളും ഉപയോഗിക്കുന്നത്?
മോഹ- അത് മുങ്ങിപ്പോകാതിരിക്കാൻ
ഞാൻ -അത് പോലെത്തന്നെ മനസ്സ് വിവിധ വിഷയ ജലത്തിൻ മുങ്ങാതിരിക്കാൻ നേരായി അചഞ്ചലമായി നിൽക്കാൻ
മോഹ_ ഇതൊന്നും ഇല്ലങ്കിലും ജീവിച്ചു കൂടെ? അതും സുഖമായി? ഞാൻ ഇവയൊന്നും ചെയ്യാറില്ല
ഞാൻ - അങ്ങിനെ ഒരാൾ എന്റെ വീട്ടിലും ഉണ്ട് മാളൂട്ടി ഒരു പോ മറേനിയൻ പട്ടിക്കുട്ടി ഞങ്ങൾ മക്കളെപ്പോലെ അതിനെ പരിപാലിക്കുന്നു വീട്ടിനകത്താണ് താമസം കൂട്ടിലല്ല ഇതിന്റെ കൂടെയുണ്ടായിരുന്ന പട്ടിക്കുട്ടികളെ അപേക്ഷിച്ച് മാളൂട്ടിക്ക് സ്വർഗ്ഗസമാനമായ ജീവിതമാണ് അവളും പ്രാർത്ഥിക്കാറില്ല
മോഹ_ അപ്പോൾ പട്ടിക്കുട്ടിയുടെ ജീവിതം പോലെയാണ് എന്റേത് എന്നാണോ?
ഞാൻ - അങ്ങിനെ യൊന്നും ഞാൻ പറഞ്ഞില്ല പ്രാർത്ഥിക്കാതെയും ഈശ്വര ചിന്ത ഇല്ലാതെയും സുഖമനുഭവിച്ച് കഴിയുന്ന ഒരു ജീവാത്മാവിനെ പരിചയപ്പെടുത്തി എന്നു മാത്രം