പ്രണവം

നാരായണീയം ദശകം 16 ശ്ലോകം - 8 Date 15/5/2016

ദൃഷ്ട്വോർവശീം തവ കഥാം ച നിശമ്യ ശക്രഃ
പര്യാകുലോ\ജനി ഭവന്മഹിമാവമർശാത്
ഏവം പ്രശാന്തരമണീയതരാവതാരാത്
ത്വത്തോ/ധികോ വരദ! കൃഷ്ണതനുസ്ത്വമേവ
        അർത്ഥം
ഇന്ദ്രൻ ഉർവ്വശിയെ കണ്ടിട്ടും അവിടുത്തെ കഥ കേട്ടിട്ടും അങ്ങയുടെ മാഹാത്മ്യം അറിഞ്ഞതുകൊണ്ട് വ്യാകുലനായിത്തീർന്നു അല്ലയോ അഭീഷ്ട വരദ!ഇപ്രകാരം സൗമ്യവും ആശ്ചര്യകർമ്മാനുഷ്ടാനത്താൽ അതിമനോഹരവുമായ അവതാരമെടുത്ത ശ്രീ നാരായണമൂർത്തിയായ നിന്തിരുവടിയെക്കാൾ ശാന്തിയും വിചിത്രകർമ്മവും കോണ്ട് ശ്രേഷ്ടനായവൻ ശ്രീകൃഷ്ണ സ്വരൂപനായ നിന്തിരുവടി മാത്രമാകുന്നു

      വിശദീകരണം
ശരിക്കും നരനാരായണ മഹർഷിമാരുടെ അവസ്ഥ മനസ്സിലാക്കിയ ദേവേന്ദ്രൻ ആകെ വ്യാകുല ചിത്തനായി ത്തീർന്നു മഹാവിഷ്ണുവിന്റെ അവതാരമായ നാരായണ മഹർഷിയേക്കാൾ ശ്രേഷ്ടത ശ്രീകൃഷ്ണ അവതാരത്തിനേ ഉള്ളു എന്നാണ് ഭട്ടതിരിപ്പാട് പറയുന്നത്