പ്രണവം

സങ്കൽപ്പവും യാഥാർത്ഥ്യവും

      സങ്കൽപ്പം തന്നെയാണ് യാഥാർത്ഥ്യമായി വരാറുള്ളത് നമ്മുടെ മനസ്സിലെ സങ്കൽപ്പം അഥവാ പ്രതീക്ഷ ആണ് പലപ്പോഴും നമ്മുടെ ജീവിതത്തിൽ സഫലമാകുന്നത്  അരൂപിയും അദൃശ്യനും ആയ ബ്രഹ്മത്തിന്റെ സങ്കൽപ്പമാണ് ഈ ദൃശ്യ പ്രപഞ്ചം എന്തൊക്കെ വേണം എന്നുള്ളത് ബ്രഹ്മ സങ്കൽപ്പം ആണ് ആ സങ്കൽപ്പം യാഥാർത്ഥ്യമെന്ന് നമുക്ക് തോന്നുന്നു കാരണം ബ്രഹ്മസത്യം ജഗത് മിഥ്യ എന്നാണല്ലോ അദ്വൈതം
    ആദ്യം സാക്ഷാൽ ബ്രഹ്മം സ്വയം സ്വീകരിച്ച രൂപം ആണ് മഹാവിഷ്ണു അന്തം കാണാൻ ആ ബ്രഹ്മത്തിനല്ലാതെ ആർക്കും കഴിയാത്തതിനാൽ അ നന്തനിൽ ആണ് വസിക്കുന്നത് പതിനാലു ലോകങ്ങൾക്കും മുകളിലാണ് വൈകുണ്ഡം അവിടെയാണ് ക്ഷീരസാഗരം   ഇതൊക്കെ സങ്കൽപ്പമല്ലേ? ഇതൊന്നും യാഥാർത്ഥ്യമല്ലല്ലോ? ചിലർ ഇങ്ങിനെ ചോദിക്കുന്നവരുണ്ട്  ശരിയാണ് ഉണ്ട് എന്ന് ഉറപ്പുള്ള ഭൂമി മുഴുവനും എത്രപേർ കണ്ടിട്ടുണ്ട്? അപ്പോൾ വൈകുണ്ഡം ഉണ്ട് എന്ന് എങ്ങിനെ വിശ്വസിക്കും?

    ഇവിടെയാണ് വിശ്വാസത്തിന്റെ പ്രസക്തി ബ്രഹ്മ സങ്കൽപ്പമായ വൈകുണ്ഡം എന്തുകൊണ്ട് യാഥാർത്ഥ്യമായിക്കൂടാ? മനുഷ്യനായ നമ്മൾ പോലും പലതും സങ്കൽപ്പിച്ച് അഥവാ സ്വപ്നം കണ്ട് അത് യാഥാർത്ഥ്യം ആക്കുന്നു അപ്പോ സാക്ഷാൽ പരമാത്മാവ് സങ്കൽപ്പിച്ച് ഈപ്രപഞ്ചം തന്നെ അനുഭവമുള്ള സ്ഥിതിക്ക് വൈകുണ്ഡം എന്ന ലോകവും ഉണ്ടായിരിക്കണമല്ലോ!
     നമുക്ക് ബാഹ്യ ചക്ഷുസ്സു കൊണ്ടൊ, അകക്കണ്ണുകൊണ്ടോ കാണാൻ സാദ്ധ്യമല്ല എന്ന് വെച്ച് നാം കാണാത്തതും പഠിച്ച് അനുഭവത്തിൽ വരാത്തതുമായ കാര്യങ്ങൾ ഇല്ല എന്ന് എങ്ങിനെ തീരുമിനിക്കും?
    എന്നാൽ ഇവിടെ ആപ്തവാക്യമാണ് സ്വീകരിക്കേണ്ടത് ഋഷീശ്വരന്മാർ വൈകുണ്ഡ ദർശനം നടത്തിയിട്ടുള്ളതാണ്  അവർകണ്ടു നമ്മൾ കണ്ടില്ല അല്ലെങ്കിലും എല്ലാം എല്ലാവരും കാണാറുണ്ടോ?   ചിന്തിക്കുക