പ്രണവം

ഭഗവദ് ഗീത ഒരു പുനരവലോകനം.  ഭാഗം 47 Dae -3/1/2017

ആത്മസാക്ഷാത്കാരത്തിന് സാധകനെ യോഗ്യനാക്കുന്ന മാർഗ്ഗങ്ങൾ ഭഗവാൻ നിർദ്ദേശിക്കുന്നു.

1  അമാനിത്വം - വിനയം, ഞാൻ കേമനെന്ന ഭാവം ഇല്ലാതിരിക്കൽ

2  അദം ഭിത്വം -- ദംഭമില്ലായ്മ, അതായത് ഇല്ലാത്ത ഗുണങ്ങൾ തനിക്ക് ഉണ്ട് എന്ന് നടിക്കാതിരിക്കൽ

3  അഹിംസ - ഒരു ജീവിക്കും ദ്രോഹം ചെയ്യാതിരിക്കൽ


4  ക്ഷാന്തി:- സഹനശക്തി ഉണ്ടാവൽ

5  ആർജ്ജവം - വക്രബുദ്ധി ഇല്ലായ്മ

6  ആചാര്യോ പാസനം - ആചാര്യന്റെ പാവന ഹൃദയവും, പ്രബുദ്ധ ബുദ്ധിയുമായി ബന്ധപ്പെടൽ. അതിനായിരിക്കണം ശിഷ്യന്റെ ശ്രമം. അല്ലാതെ ശരീര സേവ കൊണ്ട് മാത്രം പ്രയോജനമില്ല - ഇവിടെ ഒരു കാര്യം പ്രത്യേകം ശ്രദ്ധിക്കണം. ചില ഗുരുക്കന്മാർ എന്ന് പറയുന്നവർ സ്ത്രീകളായ ശിഷ്യകളോട് കിടപ്പ് മുറിയിലേക്ക് ക്ഷണിക്കുന്നതായി നിരവധി പരാതികൾ എന്നോട് തന്നെ ചില സഹോദരിമാർ പറഞ്ഞിട്ടുണ്ട്. അത് നിഷേധിക്കപ്പെടണ്ടവയും എതിർക്കപ്പെടേണ്ടവയും ആണെന്ന് ഇപ്പോൾ മനസ്സിലായില്ലേ?

7  ശൗചം - ബാഹ്യവും അന്തരികവുമായ പരിശുദ്ധി. ധരിക്കുന്ന വസ്ത്രങ്ങൾ, ഉപയോഗിക്കുന്ന വസ്തുക്കൾ പെരുമാറുന്ന സ്ഥലങ്ങൾ തുടങ്ങി എല്ലാം ശുദ്ധമായിരിക്കണം. സാധകന്റെ സംഭാഷണം, മനസ്സിലെ വിചാര വികാരാദികൾ പാവനമായിരിക്കണം.

8  സ്ഥൈര്യം - അടിയുറച്ച ലക്ഷ്യബോധം - ഫലപ്രാപ്തി വരെ മനസ്സ് ലക്ഷ്യത്തിൽ ഉറച്ചിരിക്കണം.

9  ആത്മവിനിഗ്രഹ: ഇന്ദ്രിയങ്ങളേയും, മനസ്സിനേയും വശപ്പെടുത്തൽ

10  ഇന്ദ്രിയാർത്ഥേഷു വൈരാഗ്യം. - ഇന്ദ്രിയ വിഷയങ്ങളിൽ വൈരാഗ്യം. വിഷയങ്ങളിൽ നിന്ന് ഒളിച്ചോടലല്ല ഇത്. വിഷയങ്ങൾക്കിടയിൽ ജീവിക്കുമ്പോൾ അവയിൽ ബന്ധപ്പെടാതെ മനസ്സിനെ നിസ്സംഗഭാവത്തിൽ നിർത്തണം.

11 അനഹങ്കാര - അഹങ്കാരമില്ലായ്മ. ശരീരാ ദി കാരണങ്ങൾ പ്രവർത്തിക്കുമ്പോൾ താനാണ് പ്രവർത്തിക്കുന്നത് എന്ന തോന്നലാണ് അഹംകാരം 'അത് ഇല്ലാതിരിക്കൽ. (തുടരും)