പ്രണവം

നാരായണീയം ദശകം 24, ശ്ളോകം 8 തിയ്യതി--17/10/2016

തതഃ ശങ്കാവിഷ്ടഃ സ പുനരതിദുഷ്ടോ/സ്യ ജനകോ
ഗുരുക്ത്യാ തദ്ഗേഹേ കില വരുണപാശൈസ്തമരുണത്
ഗുരോശ്ചാസാന്നിധ്യേ സ പുനരനുഗാൻദൈത്യതനയാൻ
ഭവദ്ഭക്തേസ്തത്ത്വം പരമമപി വിജ്ഞാനമശിഷത്.
                  അർത്ഥം
അതി ദുഷ്ടനും ഇവന്റെ അച്ഛനുമായ ഹിരണ്യകശിപു അത് കൊണ്ട് ശങ്കിത നായിട്ട് പിന്നീട് ഗുരു വചന മനുസരിച്ച് ഗുരു ഗൃഹത്തിൽ വരുണ പാശങ്ങളെക്കൊണ്ട് അവനെ ബന്ധിച്ചുവല്ലോ! പ്രഹ്ളാദനാകട്ടെ ഗുരുവിന്റെ സാന്നിദ്ധ്യമില്ലാത്തപ്പോൾ കൂട്ടുകാരായ അസുര ബാലന്മാരോട് നിന്തിരുവടിയിലുള്ള ഭക്തിയുടെ തത്വവും ഉത്കൃഷ്ടമായ മോക്ഷോ പായ ജ്ഞാനവും ഉപദേശിച്ചു
9
പിതാ ശൃണ്വൻ ബാലപ്രകരമഖിലം ത്വത്സ്തുതിപരം
രൂഷാന്ധഃ പ്രാഹൈനം കുലഹതക!കസ്തേ ബല മിതി
ബലം മേ വൈകുണ്ഠസ്തവ ച ജഗതാം ചാപി സ ബലം
സ ഏവ ത്രൈലോക്യം സകലമിതി ധീരോ/യമഗദീത്.
                അർത്ഥം
അച്ഛനായ ഹിരണ്യകശിപു അസുരബാലസമൂഹം മുഴുവനും നിന്തിരുവടിയെ സ്തുതിക്കുന്നതിൽ താല്പര്യമുള്ളവനായിരിക്കുന്ന തായി കേട്ടിട്ട് കോപം കൊണ്ട് കൃത്യാകൃത്യമൂഢനായി പ്രഹ്ളാദനോട് "കുലദ്രോഹി ആരാണ് നിന്റെ ബലം?" എന്ന് ചോദിച്ചു. ബുദ്ധിമാനും ,നിർഭയനുമായ പ്രഹ്ളാദൻ "സാക്ഷാത് വിഷ്ണുവാണ് എന്റെ ബലം അങ്ങയുടേയും ലോകങ്ങളുടേയും ബലം ആ വിഷ്ണുവാകുന്നു.മൂന്ന് ലോകവും ആ വിഷ്ണുതന്നെ എന്നിങ്ങനെ തുറന്നു പറഞ്ഞു.
10
അരേ ക്വാസൗ ക്വാസൗ സകലജഗദാത്മാ ഹരി രിതി
പ്രഭിന്തേ സ്മ സ്തംഭം ചലിതകരവാളോ ദിതിസുതഃ
അതഃ പശ്ചാദ്വിഷ്ണോ!നഹി വദിതുമീശോ/സ്മി സഹസാ
കൃപിത്മൻ!വിശ്വാത്മൻ!പവനപുരവാസിൻ!മൃഡയ മാം.
               അർത്ഥം
ദൈത്യനായ ഹിരണ്യ കശിപു വാളിളക്കി സകലജഗദ്സ്വരൂപനായ വിഷ്ണു എവിടെ?എടാ അവനെവിടെ?എന്ന് പറഞ്ഞ് തൂണ് പിളരുമാറ് ഒരു ഇടി കൊടുത്തു .ഹേ സർവ്വ വ്യാപിൻ!ഇതിനപ്പുറം ഉണ്ടായത് പെട്ടെന്ന് പറയാൻ ഞാൻ ശക്തനല്ല .കൃപാമയനും,വിശ്വമയനും ആയ ശ്രീ ഗുരുവിയൂരപ്പാ !എന്നെ ആനന്ദിപ്പിക്കേണമേ!
24-ആം ദശകം ഇവിടെ പൂർണ്ണമാകുന്നു.