പ്രണവം

വിവേക ചൂഡാമണി - ശ്ലോകം - 120  തിയ്യതി  26/8/2016

മിശ്രസ്യ സത്വസ്യ ഭവന്തി ധർമ്മാ-
സ്ത്വമാനി താദ്യാ  നിയമാ യമാദ്യാ:
ശ്രദ്ധാ ച ഭക്തിശ്ച മുമുക്ഷു താ ച
ദൈവീ ച സമ്പത്തിരമ്പന്നി വ്യത്തി:
            അർത്ഥം
അൽപ്പം  രജസ്സുമായി കൂടിച്ചേർന്ന  സത്വത്തിന്റെ ധർമ്മങ്ങളാണ് അമാനിത്വാദികളും  നിയമങ്ങളും യമാദികളും ശ്രദ്ധയും  ഭക്തിയും  മുമുക്ഷുതയും  ദൈവീ സമ്പത്തിയും  അസന്നിവൃത്തിയും
         'അമാനിത്വാ ദികൾ എന്നാൽ  ഗീത പതിമൂന്നാം അദ്ധ്യായത്തിൽ 7 മുതൽ 11 വരെയുള്ള ശ്ലോകങ്ങളിൽ പറയുന്ന 20 ജ്ഞാന സാധനകളെയാണ് (അവ അറിയാൻ കൃഷ്ണഗാഥ എന്ന ഗ്രൂപ്പ് നോക്കുക)  ആഗ്രഹങ്ങളിൽ നിന്നും പിൻതിരിഞ്ഞ് നിഷ്കാമ കർമ്മത്തിലേക്ക്  പ്രേരിപ്പിക്കുന്നു എന്നതിനാൽ ശൗച്യാദികളെ നിയമങ്ങൾ എന്ന് പറയുന്നു
121
വിശുദ്ധ സത്വസ്യ. ഗുണാഃ പ്രസാദഃ
സ്വാത്മാനുഭൂതിഃ പരമാ പ്രശാന്തിഃ
തൃപ്തിഃ പ്രഹർഷഃ പരമാത്മനിഷ്ഠാ
യയാ സദാനന്ദ രസം സമൃച്ഛതി
             അർത്ഥം
മനോനൈർമ്മല്യം  ,ആത്മാനുഭൂതി ,നിരതിശയ ശാന്തി തൃപ്തി ,ആനന്ദം ,പരമാത്മ നിഷ്ഠ എന്നിവ കേവല സത്വത്തിന്റെ കാര്യഭൂതങ്ങളായ ധർമ്മങ്ങളാകുന്നു  പരമാത്മ നിഷ്ഠയാൽ സദാ ആനന്ദ രസം അനുഭവിക്കുന്നു
          പരമാത്മാവിൽ ലയിച്ചിരിക്കുന്ന അവസ്ഥ ഉണ്ടായാൽ സദാ ആനന്ദ രസം അനുഭവിക്കാം എന്ന് സാരം