പ്രണവം

തിരുമേനിയും  അന്തർജനവും

അന്തർജനം - ദാ നോക്കൂ സർക്കാർ പരിപാടിക്ക് പ്രാർത്ഥനയും നിലവിളക്ക് തെളിക്കലും വേണ്ടാന്ന് മന്ത്രി സുധാകരൻ പറഞ്ഞു ത്രേ!

തിരുമേനി - നിലവിളക്ക് തെളിയിക്കണ്ട  ന്നാൽ ഷെഡ്ഡി ഇട്ടൂന്ന് തെളിയിക്കണ്ട്യേരും ന്ന് തന്യാ നോം നിരീക്ക്ണത്  ഒന്നും തെളിയിക്കാതെ  പരിപാടികൾ ഒന്നും ണ്ടാവില്ല്യാ

അന്തർജ്ജനം --ഇത് കണ്ട്വോ  എല്ലാ വിഷയങ്ങളിലും അദ്ധ്യാപകർക്ക് പരിശീലനം നൽകും ത്രേ! അപ്പോ ഇത്വരെ ഒരു പരിശീലനോം കുടാതെയാ പഠിപ്പിച്ചിരുന്നത്?

തിരുമേനി---ഇനി ചിലപ്പോ ശ്വാക്കളെ പിടിക്കാനുള്ള വിദ്യോറ്റെ ആയിരിക്കും ന്താച്ചാൽ ശ്വാക്കള് ഇപ്പോ അസാരം കൂട്തലാത്രേ

അന്തർജ്ജനം ----നവോത്ഥാന. ആശയങ്ങൾ തിരിച്ചടി നേരിടുന്നു  മന്ത്രി സി രവീന്ദ്രനാഥ്   എന്താ ഈ നവോത്ഥാന ആശയം?

തിരുമേനി----ഹേയ് അത്ര പരിഭ്രമിക്കാനൊന്നൂല്ല്യാ   വിളക്ക് കത്തിക്കണ്ട.  പ്രാർത്ഥന ചൊല്ലണ്ടാ  ക്ഷേത്രങ്ങളിൽ വഴിപാട് നിരക്ക് കൂട്ട്വാ  ഇതൊക്കെത്തന്നെ അല്ലാണ്ടെന്താ?

അന്തർജ്ജനം --നോക്കൂ ഒരു പരസ്യം !ലൈംഗിക ശക്തിക്ക വലിപ്പക്കുറവിനും മര്ന്ന്ണ്ടത്രേ!

തിരുമേനി ----ഈ ആവശ്യല്ല്യാത്തത് എന്തിനാ വെറ്തെ  വായിക്ക്ണത്? നമുക്ക് അതിന്റെ  ആവശ്യല്ല്യാന്ന് താത്രിക്കുട്ടിക്ക് അറീല്ല്യേ?