പ്രണവം

ഭഗവദ് ഗീതാപഠനം 397-ആം ദിവസം അദ്ധ്യായം 15 പുരുഷോത്തമയോഗം  തിയ്യതി  31/8/2016

1
ശ്രീ ഭഗവാനുവാച
ഊർദ്ധ്വമൂലമധഃശാഖം അശ്വത്ഥം പ്രാഹുരവ്യയം
ഛന്ദാംസി യസ്യ പർണ്ണാനി യസ്തം വേദ സ വേദവിത്
           അർത്ഥം
മേലോട്ട് വേരുള്ളതും കീഴോട്ട് ശാഖകളുള്ളതും  നാശമില്ലാത്തതുമായ. അശ്വത്ഥ വൃക്ഷത്തെ പ്പറ്റി ജ്ഞാനികൾ പ്രസ്താവിക്കുന്നുണ്ട്  വേദങ്ങൾ അതിന്റെ ഇലകളാകുന്നു  ആരാണോ അതിനെ അറിയുന്നത്? അവൻ വേദജ്ഞനത്രേ!
      വിശദീകരണം
കഠോപനിഷത്തിലെ  ഒരു പ്രസിദ്ധമായ മന്ത്രത്തെ ഓർമ്മിപ്പിക്കുന്ന  ഈ ശ്ളോകത്തിൽ  വ്യാസൻ സംസാര വൃക്ഷത്തേയും അതിന് പരമാത്മാവായ ഈശ്വരനും  തമ്മിലുള്ള ബന്ധത്തേയും വിശദമായി ചിത്രീകരിക്കുന്നു  അദ്വിതീയമായ ബ്രഹ്മത്തിൽ നിന്ന് നാമരൂപാത്മകമായ ജഗത്ത് --ശരീരമനോബുദ്ധികളും അവയുടെ വിഷയങ്ങളും --എങ്ങിനെ ഉണ്ടായി? അങ്ങിനെ ഒരു ജഗത്ത് ഉണ്ടായി എങ്കിൽ അതിനെ പോഷിപ്പിക്കുന്നതാര്? സൃഷ്ടികർത്താവായ ഈശ്വരനും ,സൃഷ്ടിക്കപ്പെട്ട ഈ ജഗത്തും തമ്മിലെന്ത് ബന്ധം? ഗൗരവമായി ചിന്തിക്കുന്നവരുടെ സംശയങ്ങൾ ഇവ യൊക്കെ യാണ്    അതിനുള്ള മറുപടിയാണ്  ഈഅ ദ്ധ്യായം
2
അധശ്ചോർദ്ധ്വം  പ്രസൃതാസ്ത്യ. ശാഖാഃ
ഗുണപ്രവൃദ്ധാ വിഷയപ്രവാലാഃ
അധശ്ച മൂലാന്യനുസംതതാനി
കർമ്മാനു ബന്ധീനി മനുഷ്യലോകേ
           അർത്ഥം
സ്വത രജസ്ത മോഗുണങ്ങളാൽ  പോഷിപ്പിക്കപ്പെട്ടതും  വിഷയങ്ങളാകുന്ന  തളിരുകളോട് കൂടിയ വയുമായ സംസാരവൃക്ഷത്തിന്റെ  കൊമ്പുകൾ  ചുവട്ടിലേക്കും മുകളിലേക്കും 'പടർന്നിരിക്കുന്നു  താഴേ മനുഷ്യ ലോകത്തിൽ കർമ്മബന്ധങ്ങളായ  വേരുകൾ വ്യാപിച്ചുമിരിക്കുന്നു