പ്രണവം

ഭഗവദ് ഗീതാപഠനം 318 ആം ദിവസം അദ്ധ്യായം - 9 തിയ്യതി 18/4 2016

18
ഗതിർ ഭർത്താ പ്രഭുഃ സാക്ഷീ നിവാസഃ ശരണം സുഹൃത്
പ്രഭവഃപ്രലയഃ സ്ഥാനം നിധാനം ബീജമവ്യയം
              അർത്ഥം
പ്രാപ്യസ്ഥാനവും ഭരിക്കുന്നവനും നിയന്താവും സാക്ഷിയും എല്ലാറ്റിനും  ഇരിപ്പിടവും പരമായ ആശ്രയസ്ഥാനവും സുഹൃത്തും ഉൽപ്പത്തിയും  ലയവും സ്ഥിതിയും നിക്ഷേപവും ബീജവും ഞാനാകുന്നു
19
തപാമ്യഹമഹം വർഷം നിഗൃഹ്ണാമ്യുത്സ്യജാമി
അമൃതം ചൈവ മൃത്യുശ്ച സദസച്ചാഹമർജ്ജുന.
                അർത്ഥം
അല്ലയോ അർജ്ജുനാ ഞാൻലോകത്തിന് ചൂട് നൽകുന്നു മഴയെ തടഞ്ഞുവെക്കുകയും പെയ്യിക്കുകയും ചെയ്യുന്നു  മരണമില്ലായ്മയും മരണവും ഉണ്മയും ഇല്ലായ്മയും ഞാൻ തന്നെ
              വിശദീകരണം
ഈലോകത്തിൻറെ സൃഷ്ടി സ്ഥിതി സംഹാരങ്ങൾ ഈശ്വരൻ തന്നെ എല്ലാറ്റിനെയും നിയന്ത്രിക്കുന്നതും സകലതിനും സാക്ഷിയും ഇരിപ്പിടവും ഈശ്വരൻ തന്നെ മരണവും മരണമില്ലായ്മയും ഉണ്മയും ഇല്ലായ്മയും ഈശ്വരൻ തന്നെ  ഇവിടെ മഴ പെയ്യിക്കുന്നതും ചൂട്നൽകുന്നതും എല്ലാം ഈശ്വരൻ തന്നെ  അതായത് ഞാൻ അല്ലാതെ മറ്റൊന്നും ഇവിടെ ഇല്ലെന്ന് സാരം