പ്രണവം

നാരായണീയം ദശകം 16 ശ്ളോകം 3തിയ്യതി  15/4/2016

ദൈത്യം സഹസ്രകവചം കവചൈഃപരീതം
സാഹസ്രവത്സരതപഃസമരാഭിവൈൃഃ
പര്യായനിർമിതതപഃ സമരൗ ഭവന്തൗ
ശിഷ്ടൈകകങ്കടമമും ന്യഹതാം സലീലം
        അർത്ഥം
അവിടുന്ന് തന്നെയായ നരനാരായണൻമാർ ആയിരംകൊല്ലത്തെ തപസ്സും ആയിരം കൊല്ലത്തെ യുദ്ധവും കൊണ്ട് മാത്രം മുറിക്കാൻ കഴിയുന്ന ഒാരോന്ന് വീതംആയിരം പോർചട്ടകൾ അണിഞ്ഞ സഹസ്രകവചൻ എന്ന അസുരനെ ഊഴമിട്ട് തപസ്സും യുദ്ധവും ചെയ്യുന്നവരായിട്ട് ഒരുപോർച്ചട്ട മാത്രം ബാക്കിയുള്ളവനാക്കി ത്തീർത്ത് ആ അസുരനെ അനായാസേന നിഗ്രഹിച്ചു
4
അന്വാചരന്നുപദിശന്നപി മോക്ഷധർമ്മം
ത്വം ഭ്രാതൃമാൻ ബദരികാശ്രമമധ്യവാത്സീഃ
ശക്രോ£ഥ തേ ശമതപോബലനിഃസഹാത്മാ
ദിവ്യാംഗനാപരിവൃതം പ്രജിഘായ മാരം
      അർത്ഥം
സഹസ്രകവചനിഗ്രഹാനന്തരം നരനാരായണനായ അവിടുന്ന് സഹോദരനായ നരനോട്കൂടി നിവൃത്തി ധർമ്മത്തെ സ്വയം ആചരിക്കുന്നവനും ഉപദേശിക്കുന്നവനും ആയിട്ട് ബദരികാശ്രമത്തിൽ വസിച്ചു അനന്തരം ഇന്ദ്രൻ അവിടുത്തെ ശമംതപോബലം ഇവയിൽ ഈർഷ്യയുള്ളവനായിട്ട് കാമദേവനെ സ്വർഗ്ഗസന്ദരിമാരോട്കൂടി പറഞ്ഞയച്ചു
       വിശദീകരണം
ബ്രഹ്മാവിന്റെ വിയർപ്പിൽ നിന്നും ജനിച്ചവനാണ് സഹഃ
സ്രകവചൻ ബ്രഹ്മാവിൽ നിന്ന് നേരിട്ട് തമോഗുണപ്രജ ജനിക്കില്ല എന്നാൽ ഭഗവദ് പ്രേരണ നിമിത്തം അങ്ങിനെ സംഭവിച്ചു അപ്പോൾ അജന്മത്തെ ശുദ്ധീകരിക്കേണ്ടത് ഭഗവദ് ധർമ്മം ആണ് ആയതിനാൽ ആ അസുരനെ വധിച്ച് മോക്ഷം നൽകി ശുദ്ധീകരിക്കാനായി ധർമ്മന്റെ പുത്രരായി നരനാരിയണൻമാരായി മഹാവിഷ്ണു അവതരീച്ചു ആയിരം കവചങ്ങളിൽ ഒന്ന്മാത്രം ബാക്കിവെച്ച് ബാക്കി എല്ലാം നരനാരായണൻമാർ ചേർന്ന് നശിപ്പിച്ചു