പ്രണവം

വിവിധ ഗ്രൈഡിലുള്ളവരെ കളിയാക്കരുത് *****
****************************************
 ആദ്ധ്യാത്മികമായി നമ്മുടെ സമൂഹം വിവിധ തലത്തിൽ ആണ് ഓരോ തലത്തിലുള്ളവർക്കും പ്രത്യേകം പ്രാർത്ഥനാ മുറകൾ പൂർവ്വ ഋഷികൾ പറഞ്ഞു തന്നിട്ടുണ്ട്  ഏറ്റവും താഴ്ന്ന പടിയിൽ ഉള്ളവർക്ക് ക്ഷേത്രവും ആചാരങ്ങളും ആഘോഷങ്ങളും ആവശ്യമാണ് അതിലൂടെ അറിയാതെ അവർ ആത്മീയമായി ഉയർച്ച പ്രാപിക്കുന്നുണ്ടെന്ന് സമൂഹത്തിലേക്ക് കൺതുറന്ന് നോക്കുമ്പോൾ നമുക്ക് മനസ്സിലാക്കാൻ കഴിയും  പലരും ചോദിക്കും ഇത്രയും കാലമായിട്ടും ആത്മീയ മായി ഉയർച്ച പ്രാപിക്കാത്തതെന്ത് കോണ്ട്?ക്ഷേത്രം ഇപ്പോളും ഉണ്ടല്ലോ അതിനർത്ഥം ഇപ്പോളും തുടങ്ങിയ ഇടത്ത് തന്നെ നിൽക്കുയാണ് എന്നല്ലേ അതിനർത്ഥം?
    എന്തൊരു വിവരമില്ലാ യ്മ എന്നു നോക്കൂ! എത്രയും കാലമായിട്ടും സ്കൂളുകളിൽ എന്തെ ഒന്നാം ക്ളാസ് നിർത്തലാക്കാത്തത്? ഇപ്പോളും അവിടെ തന്നെ നിൽക്കുകയല്ലേ എന്ന് ചോദിക്കുന്നത് പോലെയല്ലെ ഇതും?
     പഠിച്ചവർ ഉയർന്നു പോകുന്നു പുതിയ തലമുറ വീണ്ടും വരുന്നു ഇത് കാണാൻ കഴിവ് ഇല്ലാ എന്നല്ലെ അതിനർത്ഥം? ആദ്ധ്യാത്മിക തലത്തിലും ഇത് തന്നെയാണ് സംഭവിക്കുന്നത്
    കാമക്രോധാദികൾ നിയന്ത്രിക്കാൻ കഴിവുള്ളവരും ആത്മീയ തലത്തിൽ ഉയർന്ന് ചിന്തിക്കുന്നവരും നമ്മുടെ സമൂഹത്തിൽ ധാരാളം പേരുണ്ട് പക്ഷെ ഇതിന് വിപരീതമിയി ചീന്തിക്കുന്നവരെ മാത്രമെ നമ്മൾ കാണുന്നുള്ളു എന്ന് മാത്രം  ആത്മീയമായി ഉയർന്നു എന്ന് ധരിക്കുന്നവരും ഉണ്ട് അവരാണ് ക്ഷേത്രങ്ങളെയും ആചാരങ്ങളെയും നിന്ദിക്കുന്നത് ഇടയിൽ വഴിതെറ്റിപ്പോകുന്നവർ ധാരാളം ഉണ്ട് അതിന് കാരണം പക്വത എത്തും മുമ്പായി  അതിഗഹനമായ ഗ്രന്ഥങ്ങൾ വായിക്കുകയും വികലമായ രീതിയിൽ മനസ്സിലാക്കുകയും ചെയ്യുന്നു .ഗീതയിൽ ഓരോ കാര്യത്തിന്റെയും ഗുണം പറയും പിന്നെ അതിനേക്കാൾ ശ്രേഷ്ടമായതിനെ പറയും അപ്പോൾ ഇത്തരക്കാർ പറയും പരസ്പര വിരുദ്ധമായ കാര്യങ്ങളാണ് ഗീത പറയുന്നത് എന്ന് ഒരു സദ്ഗുരുവിന്റെ അഭാവം ഇവിടെ പ്രകടമാണ് ഗീതോപനിഷത്തുക്കൾ ഗുരുമുഖത്ത് നിന്ന് തന്നെ പഠിക്കണം അല്ലെങ്കിൽ വഴി പിഴച്ചു പോകും ചിലർ പിന്നേ നേരായ വഴിക്ക് തിരിച്ചുവരും ചിലർ ഭാരതീയ സനാതന ഗ്രന്ഥങ്ങളെ അപമാനിച്ചു കൊണ്ടേ ഇരിക്കും  ചിന്തിക്കുക