പ്രണവം

യുക്തിയും വാദവും ഭാഗം 7 (സംവാദം തുടരുന്നു)

'വിനയൻ - പുരാണം ഇതിഹാസം എന്നിവ കെട്ടുകഥകൾ അല്ലെ?അപ്പോൾ ശ്രീരാമനും ശ്രീകൃഷ്ണനും ഒക്കെ ജീവിച്ചിരുന്നവർ അല്ലല്ലോ? പിന്നെന്തിന് അവരെ പൂജിക്കണം?

ഉത്തരം  ' സംവിച്ചത് സംഭവിക്കാത്തത് കൽപ്പിതമായത് ആരോപിതമായത് എന്നിങ്ങനെയുള്ള കഥകൾ അവയിലുണ്ട് അവവേർതിരിച്ചെടുത്ത് വ്യാഖ്യാനിക്കണം ആപ്തവാക്യങ്ങളെ ദൃഷ്ടാന്തം അനുമാനം ഉപമാനം എന്നിവയിലൂടെ മനനം ചെയ്ത് സാക്ഷാത്കരിക്കണം

വിനയൻ  ശ്രീരാമൻ ശ്രീകൃഷ്ണൻ എന്നിവർ സംഭവിച്ചതാണ് എന്നാണോ?

ഉത്തരം    അവരൊന്നും ജീവിച്ചിരുന്നവരല്ല എന്ന് കരുതിയാൽ നിരവധി കഥാപാത്രങ്ങൾ സങ്കല്പങ്ങളായി കരുതേണ്ടി വരും ഗീതയും കൃഷ്ണനും വ്യാസഭാ വനയാണ് എന്ന് പറഞ്ഞാൽ നന്ദഗോപരുടേയും യശോദയുടേയും പുത്ര ദുഖം അകറ്റിയ കഥാപാത്രം ഏത് എന്ന ചോദ്യത്തിന് ഉത്തരം പറയേണ്ടി വരും പരീക്ഷിത്തിനെ രക്ഷിച്ചതാര്? ഇതൊന്നും അത്ര എളുപ്പ് മല്ല കുരുക്ഷേത്രയുദ്ധം കൽപ്പിതമാണ് എന്ന് പറയേണ്ടി വരും അപ്പോൾ യുദ്ധം നടന്ന കാലഘട്ടം രേഖപ്പെടുത്തിയത് നിരാകരിക്കേണ്ടി വരും

വിനയൻ   പല പ്രഭാഷകരും പറയുന്നു ഗീത ചൊല്ലിയ കൃഷ്ണൻ അമ്പാടിയിലെ ഉണ്ണിക്കൃഷണൻ അല്ല എന്ന് അപ്പോഴോ?

ഉത്തരം    'ശരിയാണ് അമ്മയുടെ മുലകുടിച്ച് കൈയ്യും കാലും കുടഞ്ഞ് കളിച്ചിരു
ന്ന കൃഷ്ണകുമാറോ വിനയനോ അല്ലല്ലോ ഇപ്പോൾ നമ്മൾ

വിനയൻ    'വേദമാണല്ലോ മുഖ്യം? അപ്പോൾ ഗീതയ്ക്ക് എന്ത് മുഖ്യം?

ഉത്തരം  മാങ്ങക്കാണ് പ്രാധാന്യം എന്ന് വെച്ച് അതിന്റെ ജ്യൂസിന് യാതൊരു പ്രാധാന്യവും ഇല്ലേ? വേദം സാധാരണ ജനങ്ങളിലേക്ക് എത്തിക്കാനായി രൂപം കൊണ്ടവയാണ് ബാക്കിയുള്ള ഗ്രന്ഥങ്ങൾ മുഴുവനും അപ്പോൾ നമുക്ക് പെട്ടെന്ന് മനസ്സിലാക്കാൻ പറ്റുന്നതാണ് ഗീത  ' തുടരും