പ്രണവം

വിവേകചൂഡാമണി ശ്ളോകം 44

വിദ്വാൻ സ തസ്മാ ഉപസത്തിമീയുഷേ
മുമുക്ഷവേ സാധു യഥോക്തകാരിണേ
പ്രശാന്തചിത്തായ ശമാന്വിതായ
തത്ത്വോപദേശം കൃപയൈവ കുര്യാത്
          അർത്ഥം
വിധിയാം വണ്ണം തന്നെ സമീപിച്ചവനും മോക്ഷാർത്ഥിയും ശാസ്ത്രവിധികളെ യഥാവിധി അനുഷ്ടിക്കുന്നവനും ഭോഗ്യ വസ്തുക്കളിൽ വിരക്തി വന്നവനും ബാഹ്യേന്ദ്രിയങ്ങളെ നിയന്ത്രിച്ചവനുമായ അവന് ബ്രഹ്മ വിത്തമനായ ദേശികൻ കൃപാപൂർവ്വം തത്ത്വോപദേശം ചെയ്യണം
      വിശദീകരണം
ഇവിടെ ബ്രഹ്മ വിത്തമൻ എന്നാൽ ബ്രഹ്മ ജ്ഞാനി എന്ന അർത്ഥം.ദേശികൻ എന്നാൽ ജ്ഞാനിയായ ഗുരു എന്നും അർത്ഥം  ശിഷ്യന് ഗുരൂവിനെ സമീപിക്കാൻ ചില നിയമങ്ങൾ ഉണ്ട് അത് പാലിച്ച്  ജ്ഞാനം നേടാൻ താൻ അർഹനാണ് എന്ന് ശിഷ്യൻ ഗുരുവിനെ ബോധ്യപ്പെടുത്തിയാൽ വളരെ കൃപാപൂർവ്വം ഗുരു ശിഷ്യന് തത്ത്വോപദേശം നൽകണം എന്ന് സാരം ശിഷ്യനാകാൻ യോഗ്യത ഇല്ലെങ്കിൽ വിദ്യ നൽകൂകയും അരുത് എന്ന് ആന്തരിക മായ അർത്ഥം