പ്രണവം

മേൽപ്പത്തൂരും ആക്ഷേപഹാസ്യവും
**********************************
ക്ഷേത്രങ്ങളിൽ മഹാഭാരതം വായന നിത്യവും പണ്ടുകാലത്ത് പതിവുണ്ടായിരുന്നു! ഭാരതം വായിക്കുന്ന ആചാര്യൻ ഭാരത പട്ടേരി എന്നാണ് അറിയപ്പെട്ടിരുന്നത് അമ്പലപ്പുഴയിൽ ദിവസവും ഭാരതം വായിച്ചിരുന്ന നീല കണ്ഠ ദീക്ഷിതർക്ക് ഒരു ദിവസം വായിക്കാൻ ചില ചാഹചര്യങ്ങളാൽ കഴിഞ്ഞില്ല. പകരമായി ആരോ മേൽപ്പത്തൂരിനെ ചെമ്പകശ്ശേരി പൂരാടം തിരുനാൾ ദേവനാരായണ രാജാവിന്റെ അടുത്തെത്തിച്ചു രാജാവിന് മേൽപ്പത്തൂരിനെ കണ്ടപ്പോൾ ഒട്ടും ബോധിച്ചില്ല ധാരാളം പണ്ഡിതരടക്കം ജനങ്ങൾ കേൾക്കാൻ വരുമ്പോൾ തെററി വായിച്ചാലോ എന്ന് രാജാവിനൊരു സംശയം അതിനാൽ രാജാവ് മേൽപ്പത്തൂരിനോട് ചോദിച്ചു     കൂട്ടി വായിക്കാനറിയാമോ?
ശ്രമിക്കാം    ഭട്ടതിരി മറുപടിയും പറഞ്ഞു
     മേൽപ്പത്തൂർ വായന തുടങ്ങി കർണ്ണ പർവ്വം തുടങ്ങി

ഭീമസേന ഭയത്രസ്താ ദുര്യോധന വരുഥി നീ
ശിഖാഖാർ വാടക സ്യേവ കർണമൂല മുപ്രാശ്രിതാ
( ഭീമസേന നെ ഭയന്ന് ദുര്യോധന സൈന്യം കഷണ്ടിക്കാരന്റെ മുടി പോലെ കർണമൂലത്തെ പ്രാപിച്ചു)   രാജാവ് കഷണ്ടിക്കാരനായിരുന്നു ഏവരും ചിരിച്ചു  - ഭയന്ന സൈന്യം കർണ്ണൻ ഇരിക്കുന്നിടത്ത് അഭയം പ്രാപിച്ചു എന്ന് വേറൊരു അർത്ഥവും ഒപ്പിച്ചു
   രാജാവിന് സംശയ മാ യി ഇത് വരെ ഇങ്ങിനെ ഒരു വരി കേട്ടിട്ടില്ലല്ലോ?
ഇല്ല: കൂട്ടി വായിച്ചതാണ്  അധികമായി ഉള്ളതിലും 2 വരി കൂട്ടി എന്നർത്ഥം ഇത് കേട്ടപ്പോൾ രാജാവിന് അത്ഭുതമായി
അങ്ങാണോ മേൽപ്പത്തൂർ നാരായണ ഭട്ടതിരിപ്പാട്?
അതെ ! ഭ വ്യതയോടെ ഭട്ടതിരിപ്പാട് മറുപടിയും പറഞ്ഞു